Monday, May 05, 2014

Airestec 冷氣防菌 2011年10月17日

呢篇Blog
真係急不及待要寫出黎!!!
CoCo 由 4月開始咳到而家
來龍去脈簡直係長過一匹布!!! 
我係未搬之前, 曾經講過一句 : 好想快D搬屋, 因為間屋係租, 唔想徙錢洗冷氣, 而我係真係有諗過佢係因為D烏糟冷氣機而咳!!
好啦~~~ 都搬左兩個幾月
乜都做齊, 個個星期係醫生度擺底 $2000
日日聞氣食藥
日日用部吸塵機吸床褥晒床褥
連我個張床都吸埋( 醫生話我張床如果有塵螨, 都會飛去CoCo 個房度)
而加乾淨到連我D 鼻敏感都斷左尾啦!!!
何解CoCo 都係一停葯就喘返呢!!? ( 無錯, 係喘, 唔係咳咁簡單!!)
9月30 號個日
CoCo 喘到唔夠氧氣
差D就要入院....
我真係頂唔住了...
我係診所對住醫生繃嘳
哭了出來.........
你覺得我諗得太誇嗎????
或許你好幸運
小朋友就算有小病
都唔至於會無命....
但係當 CoCo 氣束到 "咳一下, 作嘔一下" 呢個動作連續做10次
我就好傻咁諗,還可以抱住佢幾耐.....T_T....
係絕望既同時, 亦不停諗解缺方法
有Blog 友提我除甲醛
( 其實我裝修完就有問過裝修師父有無介紹
佢就話 : 你知唔知佢地都係用D化學野黎除甲醛,其實無乜用, 你想要我可以介紹比你... )
但係黎到呢個地步
真係乜都要試下.....
然後我諗起最近同鄰居講起CoCo 哮喘既事, 知道佢地係幫D大醫院同診所做除菌同防菌
就問下佢有無得除甲醛...
佢地十日前黎左..
我仲放左上Facebook ( 其實開頭佢地都唔知我會放上去,直到有人問價錢...我先話佢知...)


Cotton-Candy-Kids-2011-10-17-01-56-12-2011-10-17-01-51.png
其實我不敢comment 任何野,
直到CoCo D藥就黎食完既呢幾日....(我真係好驚一停葯D喘又返黎!!)
停左葯....佢竟然無喘 and 無咳 !!!!
咁我亦好老實講, 除了做左呢個除甲醛 & 除菌 防菌 treatment 之外,
呢個星期都有煲湯加川貝粉!
咁我當然係好開心啦,
以為件事告一段落!
點知尋晚出完街, CoCo 返到黎一入佢間房就打克痴同咳左兩聲 ( 我而家真係聽到佢咳就皺眉....好驚好驚!!)
我衝入房, 就問工人佢係咪咳
又聞到佢個房陣怪味 ( 由入黎住已有!!)
好似D汗D酸宿味咁.......
我次次 mid-night 開 CoCo 房門就聞到呢陣味....
我當初懷疑係工人D體臭..........但係又唔好意思去聞佢....(因為日頭無呢陣味)
但係佢平時好注意個人清潔...一日沖2-3次涼 ( 其實同佢相處唔覺佢有味, 但係佢咁沖涼法, 令我更懷疑佢有體臭)
終於忍唔住聞佢張床, D 被 & 枕頭 @_@... 但係又無味渦!!
咁我就周圍聞周圍搵啦!!!
佢見到我聞得咁辛苦就話 : mum, may be the air con ....
我即時話佢 : 你無洗隔塵網咩??
佢表示佢有隔日洗 ( 其實CoCo 氣喘, 工人姐姐都好心痛....)
我便息左個Air Con, 打開個蓋, check 下啦
又真係好幹淨渦~~
連隨就開返部冷氣!!!
嘩!!!!!!!!一開機, 個陣酸宿味就傳出黎!!!!!!
然後我向風口位裝入去!!! OMG!!!!!!!
做乜個風口位咁多塵!!!!!!
申隻手指入去抹 ( 見到塵既標準動作)
但係祇係尖左小小黑色係手指頭,抹唔甩架!!!!
唔係塵, 係發霉啊!!!!
OMG..........要用濕紙巾抹.......
睇下!! 真係想作嘔!!!
心急得濟去抹, 無影到風口位D雀屎...真係似雀屎, 黑黑綠綠一點點咁...
apaper-2011-10-17-01-51.jpg
其實上次 Airestec ( 鄰居 )上黎除甲醛都有問我需唔需要洗冷氣
我就答 : 唔洗住喇~~ 全屋D冷氣都係新裝..... 應該好乾淨
鄰居 : 因為D冷氣機做好,佢地都唔係即刻出廠架~~係存放個時裡面都會潮濕同有細菌架~唔緊要, 你考濾下啦~~
睇見呢張紙, 就估到我溜野打比鄰居.......
aPA160070-2011-10-17-01-51.jpg
尋晚老公同朋友出左去
我自己拆唔到個扇葉
本來以為抹乾淨
點知入面有個風卷
入面每個扇頁都發晒霉!!!


aPA160078-2011-10-17-01-51.jpg
呢個冷氣, 就正正係CoCo 張床上面, 對到正一正!!!
佢就係晚晚吸住呢D霉菌訓覺 !!!
aPA160078b-2011-10-17-01-51.jpg
有乜理由唔哮喘啊!!!!!!!
睇到個一刻,真係覺得極度對個女唔住!!
攪到佢嚴重咁喘左兩個幾月!!!
我又上網睇關於霉菌對氣管同哮喘既影響!


%2525E5%2525A4%25258F%2525E5%2525AD%2525A3%2525E9%2525AB%252598%2525E6%2525BA%2525AB%2525E5%2525AE%2525A4%2525E5%252585%2525A7%2525E9%25259C%252589%2525E8%25258F%25258C%2525E6%252588%252596%2525E6%252588%252590%2525E5%252593%2525AE%2525E5%252596%252598%2525E9%25259A%2525B1%2525E5%2525BD%2525A2%2525E5%2525B9%2525AB%2525E5%252585%252587_%2525E5%252581%2525A5%2525E5%2525BA%2525B7%2525E9%2525A0%2525BB%2525E9%252581%252593_%2525E6%252596%2525B0%2525E8%25258F%2525AF%2525E7%2525B6%2525B2-2011-10-16-00-24-53-2011-10-17-01-51.png


%2525E9%25259C%252589%2525E8%25258F%25258C-2011-10-16-01-30-45-2011-10-17-01-51.png
以我個人師奶style(其實師奶有時都幾有Point 架!!) 分析
因為搬屋
全屋既發霉冷氣每日都不停吹出霉菌
加上D無色無味既甲醛同塵螨 3管齊下
逼到本來已有氣管敏感既CoCo 走投無路......-__-"" 咪氣喘加喪咳囉!!!!!
呢排天氣轉涼, 無乜開冷氣
加上上星期 Airestec上黎做左除甲醛同除菌
我又煲川貝佢飲
雙管齊下...CoCo 就好左好多啦
點知就係前晚佢個兩聲咳
同埋佢房裡面個陣酸宿味
終於真相大白!!
如果唔攪返掂D 冷氣
相信CoCo 又會好快咳返....-_-""
aPA160091-2011-10-17-01-51.jpg

D 霉菌會散佈全屋, 係墻身天花繼續滋長...
aPA160104-2011-10-17-01-51.jpg

CoCo 仲要張床對住個風口位....
真係食晒霉啦........
aPA160106-2011-10-17-01-51.jpg
蒸蒸蒸......
aPA160122-2011-10-17-01-51.jpg
其實部冷氣用左兩個幾月,
個雪種位係好乾淨!!! 諗極都唔明為何裡面會發霉!!!
aPA160128-2011-10-17-01-51.jpg
Airestec 用佢個隻唔知乜乜乜(其實一路做一路有同我講, 不過我真係無記得係咩黎..)....
噴左除了會分解D菌仲有一年抗菌, 包你唔會再發霉.....

aPA160099-2011-10-17-01-51.jpg
所以洗乾淨晒D冷氣既同時
全屋再噴一次啦~~
aPA160102-2011-10-17-01-51.jpg
最緊要佢地唔係化學野, 對人體無害, 小朋友留係屋企都做得..
aPA160138-2011-10-17-01-51.jpg
做完之後, 去完生日會返到屋企
我就特意開大 CoCo 房既冷氣
勁開左30 min
再入去聞下
個陣酸宿味終於無左喇!!!
今朝我起身, 即問工人
CoCo 都無再咳喇~~(其實呢個星期都無乜咳)
我唔係因為 Airestec 係我鄰居我先幫佢力推
大家都知我為左CoCo D 咳同喘心力交碎!!
人地話乜好我就去試乜
換床褥換吸塵機轉醫生買補品
用左既錢都真係唔少!!
不過我相信任可父母為自己兒女身體,洗錢都在所不計!
但係我發覺氣管敏感同鼻敏感
環境因素係極重要!!!
醫生醫你一時,一停藥就打回原型!!
如果能夠係醫緊既同時
增強到勉疫係統就緊係好啦!!
但係, 如果個病係黎自環境因素
當佢地身體弱既時候
就會好似 CoCo 咁,
纏擾左好多個月囉....
對於 Airestec 呢個 technology 我唔係好清楚
祇知道係黎自澳洲,產品全天然,
分解屋內有害物質
並且可以防菌
大家雖要報價及更多資料
Contact :
Tel: 2419 8662 www.airestec.com Email: enquiry@airestec.com


FACEBOOK
https://www.facebook.com/Airestec
好希望可以幫到好似CoCo 情況既人
God Bless everyone!! : )

No comments: