Tuesday, January 28, 2014

年廿八洗邋遢, 買部 Dyson 清垃圾 XD

呢日出席左 Dyson 係 Hysan Place 既Event



呢日除左有Road show, 仲會有帶個舊塵袋去有 9 折買機既優惠,

反應好熱烈, 差不多填滿左一個箱.... 而我發現, 有D塵袋係新架....hahahahaaa 為左join 呢個promotion ..... 竟然有人走左去買新塵袋掉落去 XD


Blog 友都可能聽我介紹 Dyson 吸塵機好幾次
除左佢無塵袋既夠環保, 吸力永不減弱呢D賣點外,
其實一直我都祇係作狀搾住部機影下相....
係囉....平時唔係我吸塵架嘛.....
同埋我屋企好乾淨, 日日吸, 邊有D大塵位比我做示範呢~~~~
呢日去完Event, 真係急不及待要show 比大家睇, 呢幾個Game

Game 1

台面有4件傢私,以S形遊走傢私之間。
Dyson DC62 無線設計而且單手可以控制, 就算係地氈上亦轉彎流暢!
Game 2

段片分開左兩段黎拍



Acrylic 板上灑滿模疑微塵 Soda Powder,利用 Dyson DC62 及另一部市場上有售的無線吸塵機作吸力測試。


DC62明顯地吸走板上的白色粉末,不留痕跡。相反,另一品牌的無線吸塵機吸力一般,板上留有不少粉末痕跡。
吸塵時,地板同吸頭會因磨擦而產生靜電,靜電會令微塵黏在地上,難而清潔,所以會容易留有粉末痕跡 。而Dyson DC62隨了吸力強外,吸頭有除靜電技術,有效清潔地板及地氈。
Game 3
Acrylic 板上分別𠝹上兩條罅縫,模仿地板與地板或地磚與地磚罅縫,再係罅縫倒入Soda Powder,以模疑積塵問題 。



兩部無線吸塵機再一次進行清潔。
Dyson DC62 推出去經過罅縫時已經能吸走大量罅縫中粉末,拉入黎已吸走接近全部的罅縫粉末。而且仲好似抹過一樣咁乾淨!

其實睇完D片, 唔洗我講你都知點揀!
老老實實 Dyson 既吸塵機唔平
不過精打細算既你點會唔識計

就計五年唔洗換塵袋條數都值二三千蚊
再加上外型靚又潮, 單手操作又無綫
吸力永不減弱有慳電,最重要係真係對敏感症有幫助.

可以睇返我以往一係列Dyson 既Blog 就明白晒 :)
年廿八洗邋遢, 買部 Dyson 清垃圾 XD
http://cocosisi.blogspot.hk/search/label/Dyson

Friday, January 24, 2014

Saving Mr. Banks

好喜歡睇戲, 覺得好既電影, 唔單止能夠為我地帶來120 分鐘既娛樂,
亦能夠對人生有唔同既影響, 有自我反思既作用

Saving Mr Bank 大夢想家, 係我2013年覺得最好既電影,
早前獲迪士尼邀請,於12月中旬睇左 Saving Mr Bank 既全球首播


當時不能透露劇情, 好想將呢套好戲介紹比大家, 尤其做左Daddy, 而且生左女兒既你!


Blog 友仲記唔記得暑假時, 我地去左美國參加 Disney D23 既Event
當日已經有2014 年全年Disney live action 電影既Preview

估唔到當日有陪我一齊去既Dadii,最深刻既竟然係呢套"Saving Mr Bank"
大概因為有佢勁喜愛既Tom Hanks, 同埋以下呢句說話


淨係Dadii 先會明白佢地對女兒承諾有幾重要
這令我想起我上兩個禮拜因為 Book 台灣機票無特別 Request Hello Kitty 飛機而比Dadii 責備, 對, 係責備, 我個刻好嬲話返佢 : 點解一定要坐 Hello Kitty 飛機? 有咪有, 無咪無囉! 咁緊張做乜!洗唔洗為左咁樣話我啊!!有幾緊要啊, 無 Hello Kitty 去唔到台灣咩? 隻飛機無Hello Kitty 唔識飛咩??
Dadii 一句: 好緊要, 我應承過個女帶佢坐 Hello Kitty 飛機, 佢會好開心, 而家無, 佢會好失望!


一個Dadii, 就係要兼付起唔可以令女兒失望既使命!
 Disney 鑊獎無數既電影Mary Poppins
就係Mr. Walt Disney 對兩個女兒既承諾


係呢套電影計劃到成事前, 原來有一段感人故事!


喜歡戲裡面所有各色既Casting, Emma 扮演Mary Poppins 作家Mrs. Travers
個D好刻薄既語氣, 好老古董既性格.


故事仲有 Mrs. Travers 既童年,


小時候己Mrs. Travers 對爸爸既仰慕


祇有女兒, 先會明白佢地對爸爸既仰慕係什麼一回事

爸爸通常唔會同女兒有好多分享, 但係一個錫佢地既Dadii,
會影享佢地對男性既睇法,影響佢地揀老公,


老實講, 我都好仰慕我既Daddy, 希望我老公第時都會係我兩個女兒仰慕既人


( 當年Mr.Walt Disney 與 Mary Poppins 作家 Mrs. Travers 合照)

因為Saving Mr. Banks 太精彩, 我決定睇返 Mary Poppins 呢套戲
即刻明白了戲裡講緊既 Mary Poppins 並唔係黎拯救小朋友
係拯救個位Mr.Banks , 一個唔懂得什麼才是最重要,
每日顧住搵錢, 嚴肅, 不懂小孩心,辜負女兒對佢既愛既爸爸

戲中最後, 講到作家 Mrs. Travers 被爸爸影響, 過往幾十年人生, 對人對事都十分刻薄,而佢一直都生活得唔開心,終於Mr. Walt Disney 為佢解開呢個心結

戲後大啟示, 做Dadii 的, 請你唔好咁嚴肅, 唔好板起塊面, 唔洗下下咁認真, 放多D時間了解佢地,你個女就會開開心心, 有個好童年之餘仲有個美好將來~~

各為Dadii, 共勉之~

CoCoSiSi Fans Page
https://www.facebook.com/cocosisimaghilmes

Tuesday, January 21, 2014

Baby Gavin 草地爬爬爬~~

我係家中既大孫, 而且算係早結婚(24歲結婚都算係好早)
所以係近呢兩年HLC 同 CoCo 先至多左D堂表兄弟姊妹
今日郊遊出動大機,覺得其實女仔揸大機都幾型呢~

小時候,同 Roy 舅父(HLC & CoCo 既舅父) 好好感情
所以, 大個左,見佢地亦係見得多D :)
加上佢已經做左爸爸, 大家都有小朋友,再多D機會一齊玩


呢日我地就約左黎迪欣湖郊遊


一入到黎就比呢個大 Playground 吸引住


CoCo 話佢坐緊船


其實有個大Playground 真係好開心, 小時候跟爸爸媽媽去睇樓, 
最留意就係樓下個playground 多唔多野玩~


呢張相好攪笑, CoCo 個面大HLC 好多
HLC 個隻杜過牙根既門牙仲未甩, 越黎越黃了 :(


呢幾日都好多朋友問, 點解CoCo 成日有D朱古力痴係嘴邊?


其實, 佢唔係無抹嘴, 係唔小心撞損左 XD hahahahaa


同家姐玩see-saw 好happy
Dress on CoCo Kitty pocket dress
http://shop.cottoncandykids.net/collections/all/products/kitty-pocket-dress


Baby Gavin 黎到喇~~
一 post 佢 D 相係cotton candy kids facebook , D 生仔既媽媽就會充滿希望咁問
" 姑媽以後係咪會出多D 仔衫比Gavin BB? "


都可以咁講, 呢個可能都係CCK 來年既新方向 XD


9 個月大傻B 以為自己識行, 好開心 XD


我地遺存生好多頭髮 既BB XD


Baby Gavin " 姑媽, 我識企喇~~~"


Dadii 泊好車一反黎就攬到實


其實黎迪欣湖交通真係一個好大既問題,本身個度已經得好少泊車位
以前Dadii 會比我地落左車先,然後泊去Hotel 行過黎
可能太多人咁做,而家泊Hotel 要比錢(除非有Disney Annual Pass 白金卡)
如果有Disney Annual Pass 黃金卡就可以泊去Disneyland 個邊要再搭 shuttle bus 返黎
都真係幾唔方便@_@


兩個表姐為左得到Gavin 歡心, 不停喂佢食餅餅



Gavin 食飽餅餅就周圍爬


好開心啊~~咁大塊草地任爬


記得HLC 同CoCo 細個時都唔肯掂D草地


男仔係大膽D呢~~


大合照~~ 成個草地都係人, 仲有好多工人姐姐放假黎呢度relax 吓~~ 好熱鬧啊~


Gavin 同我地玩左一陣就已經好friend



被逼著女仔衫 XD


為左影一將靚合照, 我地用"行行" 黎利誘Gavin 笑


行到MaMa 身邊即post


但係兩秒後,Gavin 發現比人捉停左, 即刻嘟嘴唔制~


CoCo model shooting, 今年失預算, CCK 唔夠貨賣
臨尾竟然要出埋D春天貨.....@_@|||


不個香港天氣都算暖, 著返件厚褸, 春裝一樣可以著去拜年呢~
Dress on CoCo Spring flowers dress
http://shop.cottoncandykids.net/collections/all/products/spring-flowers-dress


好耐冇用大機, 今日較到D相好淡色..... 下次要再影好D


要重拾影相既樂趣好難, 尤其有一個對影相零要求既老公
有時話影得唔係幾好, 個女無望鏡頭, 又或者眨左眼, 要求再影, 佢緊會一句"是但啦 "
大佬, 唔洗晒出黎掛屋企都要搵張黎交下學校功課啦!!

聽完呢句先肯再影....... 唉~~~~~~

Monday, January 20, 2014

親子玩樂之集體回憶

自從HLC 讀小學後, 每一既親子玩樂時間真係越黎越少.
每日晚飯後盡量都會想佢保持輕鬆同買安靜, 咁樣會有助佢入睡,
而HLC 大個左, 我地玩既野都唔同


因為親子玩樂時間減少, 我盡量選擇同佢有更多互動既活動
例如整小食, 做小手工仲有同創意有關既Lego



選擇有互動元素既活動, 係因為想打開話題, 傾左幾句後,
就會問下佢學校點嘛, 做功課點嘛, 鐘唔鐘意讀書個類問題
因為玩緊個時佢心情好靚, 會講好惰野比我聽, 亦好樂意接受我講既野 :)



LEGO 係我地細個時都會玩既玩具, 一齊玩時, 會有好多我既童年回憶
我會一路砌, 一路分享"媽媽細個o個時" 
媽媽細個o個時會咁樣砌架~~~
媽媽細個o個時會係間屋下面砌個碌架~~~
媽媽細個o個時會係張床則邊砌花架~~~
從中又可以讓小朋友覺得佢可以係玩樂中加強創意, 而且仲會讚佢 " 係喎, 可以咁砌喎, 你咁叻既, 媽媽細個都諗唔到啊~~"
喜歡LEGO, 係佢永遠唔會過時, 呢個係我地一代傳一代既集體回憶 :)



記得舊年暑假, 同你去左San Diego 既LEGO Land
你睇見個D用Lego 砌既作品, 件件都問我係咪真既,
睇到嘩嘩聲, 仲話好想砌到好似呢D咁真咁靚 :)



希望有一日你可以發揮創意, 用Lego 砌一間屬於你自己既Dream house 啦~~~