Friday, July 31, 2015

愉景新城 「小小建築師」多元智能主題樂園

聽日就飛美國喇!呢幾日都爭取最後機會同兩個女去玩盡佢,因為嚟緊嗰一個禮拜我都唔可以陪到佢喇......T_T....... 慘慘!!!
感謝愉景新城邀請,其實幾年前我哋都去過呢類充氣嘉年華,玩一次搞到我都怕怕了~~~
點解?

玩完個嘉年華,個鼻哥窿冇晒啲肉,因為我個女行入去跳彈床時,險象環生,真係睇見都心驚膽跳! 同時間有十多個小朋友一齊跳,有啲仲牛高馬大....

今次呢個嘉年華係室內嘅緣故,又搞到我心郁郁想同兩個女來玩下~~~
唔需要入場費但係每一個game都要收錢,唔使入場費嘅好處,就係爸爸就算唔玩陪我哋行行企企都好,仲可以叫佢幫手拎下野執頭執尾!


愉景新城與We嘩充氣嘉年華聯手打造巨型主題樂園,以「小小建築師」為主題,總遊樂空間超過二萬尺,戶外及室內設有七大好玩區域,逾十多款體驗及遊戲項目,適合3歲至12歲的小朋友參與,開放日期由2015年7月24日至8月16日,是今個夏天全港最大型充氣嘉年華。


呢個係咁多個滑梯最大型嘅,亦都係最刺激,有成兩層樓咁高架!

個個小朋友玩完落嚟都興奮卡卡聲大笑!


提提大家記得要着襪,我覺得主辦單位好貼心,因為知道夏天好多小朋友都着短袖或者背心來玩,都怕佢哋會磨損皮膚,所以準備咗一啲手袖比佢哋戴,咁就玩得放心好多啦!

阿囡啊,其實呢個game要成$50玩四分鐘架你快啲去sir滑梯啦


唔好喺度彈彈下啦~~

呢度大部份遊戲都係90 cm已經可以玩,即是大約兩歲已經可以來玩啦,細彈床有高度限制,只限90至120 cm嘅小朋友進入
好似呢個咁, HLC 就唔可以玩喇~~
因為咁樣,我好放心,始終太大嘅小朋友行入去同佢地啲咁細嘅小朋友玩,十分危險
好欣賞佢地每個game 入面都有工作人員駐守
萬一有少少危險嘅現象,譬如兩個小朋友癡得太埋,又或者有小朋友跌低咗,工作人員都會走去將佢地分隔開以免發生意外!
今次呢個嘉年華增加學習主題,我本來以為我啲小朋友淨係鍾意跳彈床,唔鍾意呢啲體現嘅活動,但係原來佢哋玩完之後都話覺得好得意好有趣!

好似呢個控制剷泥車咁~~
唔容易架~~~
但係好好玩呢~


CoCo 係工作人員哥哥協助下~~~ 畢滿兩籃啊~

好似呢個地質公園咁
唔好以為淨係玩啥咁簡單
一行一黎,已經有個姐姐同我地介紹呢個係乜嘢遊戲~

就係好似我哋中學時學地理科嘅等高線一樣


比佢哋邊用beach toys 刮出海洋同埋堆成高山
出現唔同嘅地形有唔同嘅顏色

CoCo 學得好快!
三兩下就創作出個小島喇~~~
黎呢個 game 時候記得要like Tempo 紙巾嘅 fans page,佢哋會即刻送你5包迷你tempo!

呢個Fun Cap 只要你係商場消費滿$100你就可以參加, 手動夾嘅公仔機

嘉年華仲有個outdoor部份


分別係---水上飄同埋---撐艇仔


呢個Job 既工作人員真係辛苦嘞,日曬雨淋, 仲浸腳浸成日!!!


初頭以為呢個係最貴既 $80
原來80 係一個大水泡, 可以兩個小朋有入去玩
或者一個大人陪個小朋友玩~~

兩姊每玩得勁興奮, 睇下CoCo 披頭散髮 XDDD

玩完呢個都話要即刻再玩喎

一黎到見到呢個竹棚嘅時候以為商場喺度整緊裝修,點知呢個係其中一個遊戲嚟㗎!!叫做築動遊樂場
睇嚟係用一啲搭完竹棚嘅竹枝,整咗一個好環保嘅遊樂場
又有得打秋千,又有得sir滑梯~~唔錯喎~~

呢度仲有兩個細小嘅攤位遊戲都幾易贏禮物架,而且$10 一次都幾抵玩
HLC竟然話自己最鍾意就係話呢個射槍射鴨仔遊戲喎!

最後一個Game
就係呢個抓抓樂樂


你睇CoCO笑得幾開心,雖然呢個好似好BB嘅活動,入到去就有好多繽紛嘅波波係空中飛來飛去,真係好似一個夢樂園啊~


玩後感~~~~雖然唔使入場費,但係每一個遊戲都要大約$40 左右,有啲要$50蚊....只係玩大約四分鐘, 暑假家長都會帶小朋友到處玩, 要留美好回憶, 令佢地過個開心暑假!
建議同小朋友鎖定目標玩兩三個都會令到佢哋好開心架!

所以選擇嚟呢度玩之前不妨同小朋友睇下以下呢張遊戲表,叫佢哋揀定玩幾個,set 左個budget,等佢地自己計吓數,又可以體驗下開心之餘又唔會洗太多錢



愉景新城『小小建築師』多元智能主題樂園 
日期 | 即日至8月16日(星期日) 
時間 | 11am-7pm 地點 | 愉景新城 (荃灣地鐵站A3出口) 
費用 | 免費入場,每個遊戲票價由港幣10元至80元不等
適合身高90cm-140cm之兒童參與

Thanks!

Saturday, July 11, 2015

Okinawa Day 4 沖繩邊度買Hysteric Mini? 浦添大公園滑滑梯~做手工~


天氣終於到OK返少少喇~
雖然仲係時晴時雨
比起前兩日已經係算係可以戶外活動
係ABC-Mart買左呢對舊年已經想買嘅Addidas,
忍唔住今日即刻着出去同陽光玩遊戲呀~~~

點知拆出嚟嗰時甩咗一邊蝴蝶,就係左邊個個....綁唔返好似原裝右邊個個咁靚添,激死....


天氣好,我特登早出門,其實每朝早我同Christine都係lobby幫兩個女紮頭髮,唔知酒店D人見到唔係覺得我地好搞笑呢?

第一站.....
黎到沖繩,我地都好想買Hysteric Mini
網上有人講, 話沖繩 Hysteric Mini 係美國村附近,但係我哋去過嗰邊都搵唔到,
就係前晚打大風搵唔到地方食嘢係路邊搵咗間和民果晚,
見到對面馬路有個好大好大嘅係Hysteric Mini logo,
結果我哋尋日都有過嚟搵過,點知因為打風佢哋冇開!今日終於不負所望有開啦!
Petit Boutique APPLE
 

呢度真係翕得出既日本童裝名牌都有
但係入到去都有少少失望.......因為入邊啲嘢好舊...

好似得返啲幾年前賣唔去嘅貨

雖然係Outlet 貨, 但唔係Outlet 價

我同Christine兩個喺度磨爛蓆式,左揀右揀真係揀咗好耐,好彩有呢個位俾小朋友娛樂一番,

如果你去到沖繩,諗住都買啲日本品牌嘅童裝,呢度都係值得一去嘅!
沖縄県那覇市上之屋1-20-9 富士家オーシャンビル201
HYSTERIC MINI、MIKIHOUSE、Shirley Temple、EARTHMAGIC、RONI、FLAKE、CHUBBY GANG、KP、Barbie

shopping完之後就去醫肚

呢次沖繩Trip 真係冇乜點Plan過
行到邊食到邊,有時開 Google Map 佢會suggest 附近既餐廳,有時用Yelp ( 係美國多D人用, Tokyo 都多, 沖繩無乜人比評價)
睇下附近有咩餐廳好食,分分鐘發現到啲地道好餐廳,因為佢哋嘅評價全部都係當地人比既~

呢間Green 係民居中間嘅小餐廳,入面D客全部係日本人,真係一個遊客都冇,食物雖然簡單,唔止平價仲幾好味,我覺得跟旅遊書去嘅地方都好多遊客

咁樣亂去一通,反而先感受到真正嘅地道風味!

成餐飯食左3000 yen

 叫左一個牛扒

一個雞, 同兩個兒童餐, 仲有甜品送添!


門口呢個位有少少似去咗泰國呢~~


ヌーベルダイニング グリーン
地址: 1 Chome-6-23 Ameku, Naha, Okinawa Prefecture 900-0005日本
電話:+81 98-862-3943記得食佢地沙律bar 既南瓜同蕃薯, super yum!!)
已經冇落雨但係因為個風仲未走晒,所以都涼風陣陣

Outfit On CoCo by Cotton Candy Kids


嚟到我哋今日 High Light  行程

就係呢個浦添大公園sir滑梯啦

泊好車後,我哋一直向山上不停行,
行行行越行越唔對路,點解呢個小朋友玩嘅公園要行咁耐架?

原來行錯左啊!!!!!我哋要折返啊

原本買咗一大盤刺身,打算一邊睇住佢哋sir滑梯,我哋一邊食嘅!
但係都唔知行返轉去等幾耐先搵到真正嘅浦添大公園!!!!
所以就快快手係公園呢度食咗佢啦.....@_@|||

真係第一次係郊野公園食完魚生喎!呢個經驗真係幾唔錯幾特別喎.....hahahahaa

行返轉頭又要再行多十分鐘啊
好彩原來只係去錯停車場,我哋轉個灣就搵到真正嘅浦添大公園喇~~
其實呢個公園超級大, 仲有名勝古蹟
但係岩小朋友玩既就係得呢一Part~

呢度有兩條Sir 梯,一條係紅色BB 玩既, 比佢地練習下

are you ready ?

就係呢條綠色長十公尺嘅滑梯啦,



唔止細路,連大人睇見都會好興奮啊!!



點解佢哋個個攞住個shopping back嘅?

其實呢個袋係我特登準備比佢哋黎Sir滑梯架!
因為好多人玩過都建議要帶紙皮黎Sir,為面 pat pat痛
經過蒐集資料之後我覺得帶紙皮都係唔足夠嘅,
最好都係有個袋比佢哋咩番塊紙皮,行呢條長長的樓梯


佢哋四個或計劃好晒,要一齊sir, 仲叫我幫佢地拍片添
(條片拍到我鬼叫, 都係唔好post 出黎喇~~)



其實我覺得有少少危險嘅因為呢個梯又快又長

而且冇得煞掣,我哋都係用腳去煞掣,但係記得唔好着涼鞋,
要着包住腳指嘅鞋,如果唔係就會hi 損腳趾尾架啦!

比你地試一次咁多啦

唔係淨係D細路,其實大人都玩得好開心架!
(帶埋紙皮比大人)

玩得十次八次真係夠晒消脂


Sir 完之後個pat pat仲會㷫烚烚減埋個pat pat添



Coco呢個粒水王玩左一次之後就話好驚,

唔再玩呢個綠色嘅大滑梯,要去返紅色嗰個細滑梯喎....


唔緊要啦,只要你開心玩大玩細都無所謂


玩玩下無端端落起雨來


呢塊板真係除咗可以sir滑梯之外仲可以攞嚟遮雨添
其實佢哋都玩到差唔多攰,呢個時候先黎落雨,個天對我地真係不薄呢

開咗半個鐘頭車,就黎到呢個體驗王國,一落車就大風大雨

網址:http://murasakimura.com/
地址:沖繩縣讀谷村字高志保1020-1
電話:098-958-1111
營業時間:AM09:00~PM18:00

本來呢度有幾十款嘅手工製作啦,可惜我地太遲,乜都close,

得返呢個填顏色嘅陶瓷

不緊要, 都好好玩, CoCo 揀左鯨魚


好開心,因為Dadii 好少參與手作嘢,但係今日同我一齊整咗對情侶Okinawa 獅子


其實都算底玩, 玩左成個幾兩個鐘
導師好有心機咁逐個教


攪掂,加返個Okinawa 2015 先~





Cassidy 整海龜


CoCo 係媽咪幫拖下...整得唔錯


Cassidy 就......


好鍾意我地呢Pair 啊~~~Daddy 真係好有心機油, 識你咁耐真係未見過你咁認真做手工


不緊要, 媽媽接受每個人有唔同既長處同優點. 我知你盡力了 XDDD


呢個大師Uncle Derek.... 個人真係零捨閹尖.....
我地油晒佢都仲係唔滿意要改喎~~~~


我地食住ice-cream 等你吧~~


因為整天都嫌棄對鞋既Ribbon, 老公忍不住要出手了
偷拍左一張....平時其實好羨慕老公幫D女綁鞋帶
以前幫HLC, 而家幫CoCo....
都有幫過我.....拍拖個時囉.....


好開心.....人為覺得好sweet....
同埋個Ribbon靚返喇~~~


Happy Day!


晚飯去左最近既燒肉五苑食


佢地有好多分店~


放題任食~~又平又好味!


記得飲佢地菠蘿冰啊~~


燒豬腩又爽又脆~~


牛肉so yummy~


仲有雪糕做甜品!


真係一日食幾轉雪糕, 放龍啦!!!!
明天Check out Double Tree 般去Resort
有更多好玩節目!!有更多好味既餐廳!!