Okinawa Day 2 打到黎喇!! 第一牧志公設市場 食海鮮, 去playroom玩, 去 Tokyu Hands Shopping!!

尋晚個風真係打到黎!

外面真係吹到虎虎聲,我哋幾驚今朝要留喺酒店冇地方可以去,

但係聽人哋講話日本就算打風啲商場鋪頭都會照開,所以我哋今日就搏一搏打算留係室內玩，點知今日起身落到lobby

都唔係咁誇張,只係有少少雨同埋有啲大風,所以我哋就照計劃行事準備出去食個lunch!

Double Tree by Hilton

覺得呢間酒店幾特別，尋晚check-in嗰時佢哋已經送咗一件熱辣辣自家製嘅曲奇餅，原來佢哋除咗送俾客人做welcome gift，仲有得賣架！ lobby仲有個好得意嘅曲奇餅公仔， Coco仲話呢個公仔係女仔黎，因為佢有眼睫毛喎！

CoCo Dress From Cotton Candy Kids

超級颱風打到黎喇

但係出面時落雨時好天,真係令人費解

第一站那霸市第一牧志公設市場

佢哋連停車場呢個網網窿都覺得好好玩
CoCo Dress From Cotton Candy Kids
呢條裙仔背後係一塊波點網布, 透出打底衫既顏色
好靚好特別呢~~~

唔知係咪呢排返芭蕾舞堂學燕式平衡..... CoCo 無時無刻都擺個燕式平衡 post 俾我影相

呢度感覺就有啲似大阪嘅黑門市場

裏邊我覺得比黑門市場更加有特色

入邊啲鋪頭間間都擺得好整齊

感覺係遊客區多過係平時啲市民買嘢嘅地方

除咗生活用品調味料蔬菜水果同埋呢啲首飾都有得賣

仲有手信買!!! 遊客地步啦 ....

幾條通道都會有個蓬遮住,日頭就唔怕太陽曬,落雨都唔怕啦!

天花板仲掛滿左好多氣球好靚呀!

就係係呢間手工品店嘅門口對面就係魚市場嘅入口喇

其實呢個魚市場都幾企理同埋幾光猛，而且間間都擺咗好多寫住中文嘅介紹牌出嚟，睇嚟呢度真係好多遊客，仲係中國遊客添。。。。

我第一次見呢啲月光貝，我想買返去擺多過想買黎食喎

|
顏先生你真係好犀利呀唔識日文都可以講價😆😆😆😆

呢啲就係沖繩特產海葡萄喇

呢個囡真係好似我，就連細細個都唔鍾去wet Market呢樣野都似足我!

我細個最怕就係去魚檔，見到人劏魚我就會好驚，尤其係劏田雞，真係見過一次永世都唔會想再食田雞啊！

Coco 猛話呢度好臭，其實呢度比起香港啲wet Market已經乾淨好多啦！

行咗兩個圈佢哋終於有目標

就係呢間唔識講中文嘅鋪頭，感覺好似冇咁呃遊客吖嘛 XDDD

呢度啲海葡萄好靚呢

家姐仔真係好叻，同Daddy一樣對買餸好有興趣，
睇來你都有鑽研廚藝嘅天份喎！

希望你感染妹妹鍾意行街市啦

呢個大嬸真係好勢利！

頭先未決定幫襯佢買之前,我哋舉起部相機影幾張相(影D海鮮唔係影佢)
即刻禁住我哋唔俾影, 話 "no picture" 喎！
 點知決定同佢買之後，即刻friend晒，仲同我哋selfie.....@_@||||

DADII 為咗個女第時嫁注好人家,鼓勵佢其實行街市好好玩!

近呢兩年就發覺原來女仔識煮嘢食係好重要，當然唔係淨係為咗嫁人啦！

因為一家人嘅健康其實係掌管係媽媽嘅廚藝手上，煮得一手好菜，家人一定更加健康！

真係買咗好多好多

Uncle Derek 同Daddy淨係揀海鮮都揀左成半個鐘有多!!

呢個大嬸見我哋買咁多開始好狼!! 不停介紹我地買貴野!!!

你哋揀完未啊！

好肚餓啊!!!!

仲要買多件和牛......@_@|||

海鮮 30000 yen 

和牛 4000 yen

帶你上二樓有得坐

黎呢間加工海鮮



一見到簡體就.....



覺得呃人.... hahahahahaha

邊等邊玩...

充滿表演欲既CoCO.....好攞命.... X_X|||

埋位喇!!! 食左個刺身船先啦!!!

除左一大台野食, 我地仲叫左苦瓜炒蛋, 好味喎!!

我地塊和牛超Yummy!!!

燒大蝦

加工費5000 yen

即是 30000+4000+5000=39000/2

每家人二萬..... 即係港紙千四蚊

其實呢餐係沖繩算貴!

但係食海鮮黎講, 算平 XDDD

呢度感覺良好! 值得黎架~~

其實係呢 D SHOP 面前影相好靚架~

咦!!!! 頭先個大嬸喎!!!

呢間舖左邊條巷就係去CAR PARK

會行經呢間掛滿 Orion 啤酒( 沖繩特產, 好飲) 燈籠既shop

Dress On CoCo by Cotton Candy Kids

就係呢個位喇!

就係呢間喇!!

做乜要介紹?

因為呢間有好野賣!! 好多裝禮物既紙袋好靚!!!

仲有D文具玩具煙花, 貼紙,masking tap

日本zip zip 袋!!!

又平又靚!! 夠地道!!!

上車離開市場.....
又下起大雨!!! 真係好彩上左車!

開車去位於位於宜野灣既 Round1 連鎖遊樂場
( 真係岩晒打緊風個時去)

Round 1 官網
http://www.round1.co.jp/index.html

入面真係乜都有, 遊戲機,

夾公仔!

當然呢D 真係燒錢玩意

就算唔玩, 睇下都好開心

HLC 最愛打機

真係成個男仔頭咁

我每次黎Japan 都必定影貼紙相

呢度映祇係300Yen

影完仲有得畫, 好開心架!

呢度大部份機都祇係 100Yen, 算底玩!

殺上6 樓就係Spo-Cha 既入口

共分為4層

一個入場費, 包晒!任玩

本來有呢個Bubble Soccer
點知打大風呢個半室外己活動暫停.... :(

入場費勁平
一家四口玩左1.5 HOUR 都係 3000 YEN

雖然好大, 睇相好次幾靚....

但係其實D野好舊

有好多野都係壞左

個小朋友PLAYROOM 有D  DIRTY...

但係D 小朋友緊係唔理照玩啦



仲有D 手動車仔玩下

不過因為無乜人

當透下都唔錯

呢D 噴波波既窗, 有六支
其中四支都係壞既!

家姐仔本來想玩乒乓波機, 又係壞左......@_@|||

結果就係買對襪玩ROLLER SKATE ( 如果想玩最好自備對襪喇)
當我同Aunty Christine 都覺得呢度悶爆,
好想快D 走之時!
發現行入D 有呢個游戲機中心!!!!
仲要全部free!!!
好多機玩啊!!!
怪不得外面無人啦!!!!

我地就用僅餘既20 min 係呢度喪打機!

如果唔係Bubble Soccer 唔開
同一早發現呢個游戲機中心
呢3000Yen 真係底到爛!

個套票仲送左幾張夾公仔Ticket
又咁Lucky 係1/F 夾中每人一隻公仔!
今日真Happy!!!

我地玩到餓餓地去隔左條街既
 サンエー宜野湾コンベンションシティ

San-a 超市 + Tokyu Hands

D風真係幾嚇人.....
打到正......@_@

waaaaa, Miffy 啊!!!
嘩!!!!! Mister Donut 啊!!!!

太掛住!!!

叫左好多個啊!

食完即行 Tokyu Hands

雖然ettusais 有sponsor 我, 但係黎到日本都忍唔住潮拜一下

最開心係搵到 Only Minerals!
朋友仔推介, 試用過後更加不能抵擋!

係Tokyu Hands 勁買Masking Tap...
多都唔夠膽影出黎.....
唔驚嚇親人都驚嚇親自己~~~ XDDD

呢個絲網機真係好想買
最後都係覺得自己無時間玩.....算把啦

呢度除左有Tokyu Hands
樓上仲有好多shop!

有幾間超靚既雜貨店! 千祈不能錯過!
晚飯打算去最新開
係 Aeon Rycom
http://en.okinawarycom-aeonmall.com/



點知黎到 8:30PM ( 平時收10 點)
都吹晒雞話閉館!

因為打超級颱風喇!!!

呢度好靚, Plan 下過兩日再黎!
其實一路返落那霸都有D 驚無野食

好彩最後都搵到間路邊既和民

因為已經成十點!



好明顯太肚餓無乜點影相, 今日實在太充實!
無諗過係Okinawa 打大風都咁好玩!!
明天再續啦~~~

===========================================================
 Like 我地既 Facebook, 跟貼我地既Blog update 啦~~

Cocosisi