Day 2 今日係10 月 14 日
我同 Dadii 既拍拖周年記念
尋晚仲橫風橫雨諗緊今日點算好~
點知今日超藍晴天一滴雲都無~~~~
好~~~開~~~~心~~~~~啊!!!
尋晚係Family Mart 除左買雪糕, 仲買左巨峰提子同Coffee
呢個組合有小小奇怪, 不過又幾好味
天朗氣清, 出發往原宿去
呢度無乜點變,
唯一係Laforlet 對面開左個新商場( 本來打算去行下, 最後都係唔夠時間)
就係表參道路邊有好多米錶
咁好彩比我地泊到位
第一次係日本泊米錶, 感覺十分特別呢~
黎到喇~~~~ 呢間係原宿既拉麵店!
幾年無黎真係好掛住
呢次黎Tokyo 都無乜試新野, 就係太多野掛住喇~
鎮店之寶 XD
乜都加加加
依然美味!!!
好鍾意啊~~好滿足啊~~~
每次黎到火車站呢個位...... 老公就會提起我地第一次黎Tokyo 時, 係呢個位鬧交
就係呢個位喇.........
呢D野緊係o係 20 歲青春無敵既時候先會做.....( 而家真係睬你都傻, 有咩唔岩傾返香港至講, 咪徙時間阻住我行街食野 XDDDD )
雖然當時嬲到走左, 自己搭車返左酒店, 但係當時又點估到十幾年後成為我地既好笑回憶呢~~
問Dadii 當時為乜鬧交, 點知佢話成日都鬧交, 點記得咁多.....
竹下通~~~
其實竹下通D野唔係好岩我, 我淨係係呢度買襪
因為同老公分開行, 見到crepes 都無食, 一個人食太大個了
之後就去左Laforlet.... 行到天昏地暗, 一張相都無影
老公來接返我再去Hyster-mini
點知佢裝修, 無開~~~好失望啊~~~
不過行經呢間Cassidy, 賣西裝, 影比我屋企個Cassidy 睇下先~
原宿南青山D街好靚,有一段時間我成日黎日本
真係個人打扮都靚好多
間shop 又好有心機攪,好多細心野,
D小朋友開始大個, 覺得我都要搵返以前既自己多小小呢~
shopping 小食
好多唔同款
好Yum~~~
為慶祝我地既拍拖周年
老公book 左位係無雷公咁遠食晚飯
八王子!??
下..... 咁遠!!!!
老公 : 唔係好遠遮..... 40分鐘到啦....
我 : highway 40分鐘喎.....
老公 : 係啊, 你咪訓陣囉, 好特別架~~~ 我特登搵人(日文人) book 左架, 一定要去架!
( 咁又係, 之前報紙話D香港人book 左位no show 又唔通知, 令D日本人好唔鐘意香港人, 唔可以咁架~~~)
真係訓一陣就到了.....
嘩~~~~ 入左深山.....
好正啊~~~~~ 原來呢度係世界文化遺產うかい鳥山
http://www.ukai.co.jp/toriyama/
http://www.ukai.co.jp/toriyama/
“うかい”の世界
WORLD OF UKAI
一店ごとの明確なコンセプトに基づき歴史的な背景のある建物を移築し、
日本の建築美と西洋の美術品の伝統美を融合させた、物語のある食空間を演出。
季節ごとに選び抜いた食材を心と技で、最高の料理に仕上げる、
うかいならではの至福の料理。
そして、人の温もりの感じられるおもてなし。
創業より今に伝わるうかいの心。
この3つの要素が、うかいの世界を作り出しています。
日本の建築美と西洋の美術品の伝統美を融合させた、物語のある食空間を演出。
季節ごとに選び抜いた食材を心と技で、最高の料理に仕上げる、
うかいならではの至福の料理。
そして、人の温もりの感じられるおもてなし。
創業より今に伝わるうかいの心。
この3つの要素が、うかいの世界を作り出しています。
好靚啊好靚啊~~~
好有日本特色呢~
靚到好似有鬼咁啊~~~ 深山樹林.....好優靜
好鐘意啊~
兩個人一間房靜靜地
個爐好特別
呢度係食懷石料理 + 燒肉
叫杯梅酒賀一賀先~
老公就飲清酒(淺償幾淡好了, 仲要揸車), 用竹筒上好特別呢~~~
樣樣野都好好味
雖然我影得唔係咁靚
有D又無影到, 大約食左四道菜就出主菜燒肉
係炭爐燒
waaaaaa~~~
有廚師入黎燒
灑小小鹽同黑椒
則邊個幾粒本來唔知係乜黎
原來係燒豬油!
勁香勁脆勁好味啊~
其實咁食法都係JPY 9800 一位
老實講, 六歌仙都要JPY 6800 一位, 雖然係放題
但係我覺得食野夠飽就OK
為左放題食到爆肚皮其實好唔健康同好唔舒服
食呢餐係好味, 靚食材,靚環境, good memories....
多謝你既安排
好鐘意呢度
雖然呢度既感覺真係好似有鬼個D森林 XD
下次帶埋兩個女一齊黎啦~~~
感受下日本式既屋啦,
衣著,
食物
好感恩同你過既每一年
以前好唔鐘意人地同我講覺得(發現我)我好鐘意我老公
係啊~~~ 點解唔係覺得佢好鐘意我
好想佢係人地面前對我百般呵護, 全世解都Feel 到佢好著緊我個D呢~~~
唉~~~~ 原來係無可能,因為要有個性格很浮誇既另一半先可能有呢D局面
在我這個極度底調既老公黎講....... 看來祇有在佢顛左時先會發生...(我都唔想佢顛既)
好吧..... 咁就承認我真係好鐘意呢個白痴佬, 真係無得解
然後, 我發現, 原來而家既男人都好難搵個好鐘意佢既女人
尤其生左小朋友之後, 男人更加變得地位不保
成日聽到D女人講 " 唔係為左個仔, 一腳申開佢好耐啦~"
噢~~~ 呢個年代, 女人真係有對手就不會餓死呢~
所以, 越諗就覺得我老公好幸福, 因為我真係唔會有絲豪會唔要佢,
離開佢既諗法( 除非佢擘腿吧~)
然後我感覺到老公身邊既朋友對佢既羨慕
( 唔知點解真係feel 到, 可能男人都好想身邊既女人好聽話)
細個時好唔想聽男朋友話, 覺得越野蠻越好越公主越矜貴
人大了, 覺得做個聽話既小女人原來可以好 proud
見到你老公有面子, 就好像老公買條靚頸鍊戴在老婆身上,
看見佢被朋友讚佢老婆那種飄飄然咁開心
不知不覺, 我 enjoy 左做小女人, 唔再介意人地覺得我好鐘意我老公,
同埋覺得我好聽老公話.
祇要你同我兩個人一齊時, 你對我好就夠了 :)
多謝你帶我去影貼紙相
但係好攪笑.........
而家全部貼紙機都有大眼同化妝效果 XD
隻眼珠大到好似外星人 XDDDDD
好開心......我認我係好鐘意你, 無論順景, 逆景, 健康,疾病, 都係咁鐘意
就算你晚晚訓係我隔離揸火車我都咁鐘意..... :P ( 嘈死人啊~~~)
