點解一到回南天就發濕疹又發鼻敏感?

一年四季我最怕就係春天, 皆因我同細女都敏感, 潮濕天氣霉菌滋長好快, 加埋一冷一熱既天氣誘發我既鼻敏感同細女既氣管敏感!

其實對於我敏感既問題, 50% 係免疫係統問題, 而50% 就係環境因素

提升免疫系統可以慢慢攪, 但係環境問題就可以即攪即掂!

有好多人話, 張床褥要投資大D, 因為人生既1/3 時間係係張床度(如果你訓到8 個鐘的話)

但係有幾多人知道, 好多致敏源都係張床比你既呢??

其實張床好污糟, 有塵蟎, 有霉, 有菌, 尤其呢D天氣, 訓落張床,濕濕凍凍, 個人吸晒D濕氣, 仲會易病同覺得好攰!

床單可以勤換, 但係張床褥咁貴, 點換呢?

就算有得洗, 都唔會成日可以洗!

Panasonic 早前送左部曬被寶黎, 

收到個時, 即刻諗, 正!! 以後唔駛幫CoCo 吹床褥!

好凍同埋天氣特別潮濕時, 我的確會幫身體潺弱既CoCo,用風筒吹暖張床同埋個睡袋,暖笠笠

等佢訓得好D!

而家有曬被寶幫手, 簡直係天大喜信!!!

仲有關於個人濕重! 有D 人會買足貼黎去濕,

真心覺得無用! 其實用左第一晚真係吸到濕, 本以為係真係身體好濕

(但係塊野貼住腳板底攪都我好唔舒服)

結果第二晚, 貼左一陣, 我就係被竇入面搣甩左.....

第二朝發覺......無貼係腳板都吸到濕..........errrrrr......咁即係吸床褥唔係吸身體D 濕囉....

不過由此可見, 我地張床真係好濕下!

呢部曬被寶除左可以曬被, 因機身輕巧, 仲可以放入衣櫃幫你D衫除塵蟎

仲要係日本製造, 真係信心保證啊!

曬被寶 FD-F06S1H

零售價 HK$1,880Normal Price

復活節留港消費之開心彈彈跳

經濟唔好

好多國家都會叫市民留係國家內消費

就好似日本咁樣

不過香港好像唔係好興呢樣野

主要係覺得香港地方好細

無咩地方可以玩

但係呢個假期, 我留係香港

真係做左好多好有趣既事

無出外旅有咁瀕撲

最緊要, 係D 細路一樣咁開心呢~~

第一彈! CityWalk 躍動獵蛋嘉年華

CoCo 同 HLC 知道有得去玩彈床同超級Sir 梯已經興奮左好耐
問左我好多次幾時去

其實舊年我地都係去左同一個主辦單位, 唔同既場地舉辦既嘉年華

游戲都好相似

總之佢地約埋成班好朋友

瘋狂地彈彈跳跳, 勁笑就好開心

其實家姐係最後一年可以玩充氣彈床, 事關佢已經大個女, 高度今年已經係最高限制(所以細既入去玩好安全, 唔怕比D太大既撞到)

但係家姐話下次都會陪妹妹黎, 因為佢有其他攤位游戲可以玩

Citywalk 呢個分兩邊, 另一邊二期亦有好幾個彈床

見佢地成班玩得勁興奮

勁出一身汗, 個人就開心曬!

我都想上去跳幾下, 減下肥 , hahahahaa

開開心心又一日 :)

平均每個小朋友消費 250 ( 玩 3 hour )

同CoCo一齊親手做個洋娃娃

今晚同 CoCo 合作(家姐都有幫小小),整咗個美人魚公仔 heart emoticon
呢個年代, 真係好多小朋友唔玩玩具
但係玩具本身對小朋友腦部發展有著重要角色!

尤其做手工, 不但可以訓練小肌肉,仲可以了解小朋友內心世界.
今晚我地揀左盒美人魚公仔一齊整

見到佢地其實有D小聰明, 識得剪個紙型出黎再舖落塊布, trace 個邊先再剪!!
真係有我做Design , 畫紙樣既天份 heart emoticon

整緊公仔時, CoCo 講左好多次 " 好難啊媽咪, 我唔得啊"

但係後來我捉住佢手, 一齊做, 再同佢講有D 野係要一齊合作做, 就會成功!

佢最鐘意就係畫眼化妝個part ( 用真既化妝品) 

化好妝就要set 頭喇~~

家姐助你一臂之力

攪掂!!!

幫佢戴返條頸鍊先~

CoCo 對可以揸針聯野感到十分緊張又開心!

佢就係CoCo 既新朋友 "Rose " 喇~~

你係邊type 家長?

1. 電子玩具型, iPad 到手, 靜晒,超級專注。
2. 電動玩具, 有燈有聲。
3. 棋類,波子棋, 大富翁,思考玩具
4. 畫畫, 填色
5. 自製玩具
6. 運動型, 球類, 單車

以上各種我都有比我兩個女玩,其實每樣都有好與壞
1. 容易學習新資訊, 但係玩得多壞眼, 而且係另類學習模式, 玩得多會懶左, 唔會動手動腳學, 當佢地用傳統方法學習時, 會失去興趣, 而且電子產品閃動畫面令小朋友專注力下降,嚴重會有睡眠困難
2. 最容易係玩具店買到, 但係最容易玩厭, 岩好細個既BB
3. 好鐘意玩, 通常係集體玩, 唔係成日有咁多人, 但係一有機會就會玩, 增加溝通能力同情緒控制, 即是好似打牌咁, 如你發現你小孩"牌品唔好" 就要趁機教導一下!
4. 如果唔比電子玩具, 呢個係最好既外出用餐打發時間玩意!
5. 好鐘意同D 女做手工, 增進感情之餘會收到好多料, 因為我發現做手工時同佢傾計佢地會講好多野比我聽
6. 呢方面好想可以做好D, 有人話, 玩sport 既小朋友腦係特別精靈, 讀書都叻D!

最後, 我覺得玩既時候學到野係增進親子關係既重要元素,我正努力"必"D時間日日同佢地一齊玩 smile emoticon

選擇平傭=選擇開心

好耐好耐無寫下D情心款款既講心事Blog
自兩個女上左小學後, 真係少左好多blog 分享
當然係忙左好多, CoCo 最近參與學校話劇, 獲派僕人一角, 佢好開心!
因為佢學校成日教人做Servant 去侍奉人地... 佢覺得做僕人係筍野黎, hahahahaa

我地正學習選擇開心
人生好多經歷都好無奈好唔如意,  you are not alone, 人地唔開心唔如意唔會同你講咋 ! 時間會沖淡同埋改變你對逆景不如意既睇法。

關於學業係咪真係咁重要?
青春期我係典型讀唔到書平傭肥妹一名,無讀過大學, 讀 Fashion 個時成績爛爛地, 我淨係鐘意既野先會做得好, 其實我常常問, 人有必要十項全能嗎? 但係我相信祇要有一樣野係有興趣, 潮住那個方向就岩了! 做得好一定有人欣賞, 一樣能闖出一片天!

Facebook 令我有機會搵返好多好耐無見既同學, 見到以前有個好曳既男同學, 成日比老師罰留堂個堆, 而家竟然做開發有機水種菜場什麼什麼(好勁下個D), 以前真係完全無諗過佢可以做D對社會咁好既事!

所以學術是否一切? 反而覺得讀書唔好既人將來會更能把握機會,更努力! 所以父母都唔好睇學術睇得太重, 應該以小朋友長處鼓勵同培養.

我個人好怕死又怕病, 我自小亦教導兩個女, 凡事都可以解決, 最緊要唔死得.
其實小朋友小時候真係你講乜佢信晒, 就好似我媽咪細個成日同我講話我係執返黎我真係信, 唔開心左好多年, 又會好感激佢執我返黎都對我咁好.

另外, 唔好比小朋友自專心太強, 要鬧下, 打就絕對唔讚成
自專心太強, 真係會小小唔如意就睇唔開, 我自小比我媽咪打擊慣sssss
所以我比人鬧完好快唔記得, 鬧兩句又唔會流血, 又唔會痛, 唔好意思一陣間又friend 返
同埋要believe 聽日會更好嘛, 係咪, 有得食就食, 有得笑就笑
唔開心咪喊下, 喊完寫底咩事唔開心, 之後過左睇返又會無乜野.

最後, 我點解千辛萬苦都要比兩個女讀有宗教既學校,
係因為人來到世上,除左家庭係生命契基, 信仰其實會令佢真正領悟人生喜怒哀樂!
人大了, 越難表達心裡面既說話, 唯有祈禱時, 我能夠將心裡面感覺一字不漏講出黎
亦從新感受一次自己。

經濟唔好, 社會氣紛唔好, 多D做運動,去下郊外, 用小興趣令自己分心, 種下植物,煮下野食,做下手工, 少D玩facebook, 大家加油哦!
有時做人平傭D會開心好多....是真的!