Saturday, September 08, 2012

由 [ 唔反對國民教育 ] 到 [ 反國民教育! ]

國民教育呢個議題已經唔係呢幾日既事, 我由一開始未了解得好清楚時,覺得 "邊有咁容易洗到腦""始終係中國人, 了解國事,愛國係件好事"  到我真正知到國教陰謀時, 我可以話係反應極大!

連日來用CCK 個 facebook 希望招喚多更多家長關註事件! 我知每個人對事都有唔同見解, 好多人認為D人為反政府而反,好多人為左我係facebook page 做D咁既野而 unlike CCK ,因為覺得我偏激, 仲話以後唔幫襯CCK。但係有無諗過我用我客人網絡去做呢D野, 其實對我一D好處都無,但係我真係想為個社會早小小野! 唔想香港變得咁差, 唔想身邊一個個朋友話打算離開呢度!

係大陸做生意生活,打滾十幾年, 共產黨點樣影響大陸變得越黎越貧富縣殊, 搵份公營機構工要洗幾多人情錢我地好清楚, 真係好唔想我個女第時問我點解搵份工未見官先打80大板?

我咁樣寫唔知會唔會被秋後算仗!至少而家教協好多老師已被"秋後算仗"呢樣野攪到人心徨徨,呢D真係無言論自由既感覺, 你地唔明,但係有小小知名度既人就會明!

作為有些小影響力既媽媽blogger, 我唔想座視不理!縱使你地未明白, 但係我知道我做既事係岩架! 亦都係為左我地呢個社會, 為左我地既下一代!

花小小時間睇下呢篇野, 呢D心聲就係我由[ 唔反對國民教育 ] 到 [ 反國民教育! ]既變改!

親愛的朋友,無論你支不支持「反國民教育」,也請你花幾分鐘時間看看我想說的話。


No comments: