我的古力中秋~~~

我個幾盒 GODIVA 食左唔夠一個月, 留唔到中秋已被我K.O. 晒了~~




某天, 係公司同幾個同事如常努力工作時...

突然尖叫 : OMGGGGGGG, GODIVA 搵我做宣傳~~~~~~~~~~~~~~!!!!!!!

其實就算有幾豐厚回報, 幾VIPssss 款待! 亦不及一個自己仰慕既品牌找你做宣傳!!

收到 email 唔夠20秒, 我就同同事講 : 等我即刻覆佢 Lur 飯應覆佢先~~

同事A&B :唔好住!!! 比返小小矜持..... 等多幾個鐘,今晚先覆啦!!!

真的嗎!!!???對朱古力!!! 我不嬲都無矜持架喎~~~~~~~

其實好多朋友都知小肥肥好為食, 但係對食物要求不大, 有朋友話過, 如果我講到出口話個樣野唔好食, 以正常人既評估,應該係極難食.

但係朱古力例外!!

如過有品酒專家, 咁我就係品古力專家喇!!

點解因為 GODIVA 咁開心? 因為平日我手袋裡面, 長期會放住一包 8 條 , 散裝GODIVA橙條, 通常8條係賣$9X咁上下....... 試過唔開心時, 打開個袋, 一口氣食晒8條, 開心晒!!! 跟住又肉赤唔用腦一口氣食晒!! 有D人食煙減壓, 我食朱古力減壓,真係十分有品味兼健康 :D

我本身係個幾闊佬既人, 但係講到朱古力, 都係自私D好, 如個你發現我肯同你分, 咁你同我之間既關係實屬非比尋常.



有一年, 我同老公剛結婚, 奶奶經常上黎幫下我地執屋, 佢世估唔到平時乜都無所謂既新抱仔竟然打比佢 : 阿媽呀(我叫奶奶做阿媽的),你係咪食過我雪櫃D朱古力啊?
奶奶 : 下, 係......我食左兩粒囉....~.~ ( 佢心諗, 以前你黎我屋企, 一盒貴價朱古力你食左大半盒啦, 而家唔係咁鬼孤寒阿嘛.....)

唔好意思, 我驚我記錯姐.......
因為我老公一直唔喜歡食朱古力, HLC 都愛朱古力, 但係佢愛糖多D....

自 CoCo 出現後, 我D朱古力就要搵個夾萬瑣起佢

半年前佢仲未識講好多野既時候,有幾次發曬炆陣想我地幫佢開個飾櫃, 可惜我地唔知佢想做乜,後來終於知佢為左一舊啡色既 Mickey Figure, 一拎起就話係Chocolate....

呢個 CoCo 為食得很, 每次食朱古力都要定搵個吉盒比佢睇, 呃佢話食晒先肯收手, 否則佢便 " some more some more " 到你暈架喇~~



其實睇CoCo 食朱古力係件好開心既事, 佢已家好似已經明白我地唔會比好多佢食, 佢每次都會將手指上溶左既朱古力珍而重之咁舔得乾乾淨淨, 又可憐又好笑 :D

中秋節對我來講好有意義,好多童年回憶, 係攞正牌玩火既日子,嘻嘻......我既嫲嫲到而家都仲會買一對燈籠比我過節, 但係一直對月餅興趣不大既我, 過節美食都祇不過係o個個特級水果籃!
平時而大把籍口買朱古力既我, 今個中秋又多一個要買朱古力既理由 :)

GODIVA 松露系列係我既至愛, 密餞朱古力就係常伴左右,



今次既中秋系列,非常有中秋甜絲絲感覺, 加水果蓉加朱古力,其中最愛



" 芒果紅莓香脆迷你純巧克力月餅", 咬落去有烟韌感, 紅莓香味加上小小酸,面頭有幼滑黑朱古力, 絕配!


另外 " 杏桃香脆牛奶巧克力月餅 "都超級愛, 本來極愛橙+朱古力, 今次在有埋脆脆米! 外型仲似足個月餅, 中秋節時要好似個月餅咁切開同大家分, 橫切面仲好靚架~~~!!!

GODIVA 呢個係列既朱古力不但好食得仲好睇得! 紅扑扑既繡花禮盒, 非常富節日氣氛, 代替傳統月餅送禮, 岩晒怕油膩既人啦!

===================================================

快D黎Be Fans ! Follow and 關注我地啦~