Friday, December 14, 2012

人在江湖, 身不由己...

睇左下面呢個報導,真係有感而發

高分港童 叻得只剩下分數?



其實一直以來我真係好討厭香港既教育制度,
我又會一直覺得自己雖然讀唔成書
但係都算有腦, 同埋個人唔係太差!
所以我唔覺得讀書叻係人生唯一出路
自然發展同埋學習興趣係我對女兒成長大前題

呢排同婆婆有些對抗(係婆婆對我有D不滿)

事源HLC 有D好朋友已上小學, 見佢地而家埋頭埋腦跟進度, 莫講話愉快學習
就連基本正常生活都無!!

小一一個星期學50個生字, 當佢一個鐘學10個都要5個鐘
仲加埋十份功課,仲要每星期默書兩次,
測驗.......跟本無時間玩. 

因此我開始滲D滲D 咁樣"谷" HLC D學術

然後對佢開始有"要求"
字要寫靚D, 學多D生字, 學樂器
Phoenix , E.nopi Math

顛了嗎? 
其實祇係想佢學多D, 到時 50 個生字有20個已識, 
咁樣可以慳返兩個鐘去玩 ( 其實個心都係諗住玩)

婆婆話我痴綫, 婆婆祇有小學四年班程度
我地四姊妹學業, 佢無乜點管, 亦無能力教
屯門讀普通學校大
但係我覺得我地四姊妹都有個好開心既童年
發展自己有興趣既野, 個個都做得好好.
其中我係最差.....@_@|||

但係點解個topic 叫 人在江湖, 身不由己...

其實而家唔係講緊D名校
係全部傳統學校都係咁樣

家長本來唔想咁, 你估佢好得閒定嫌錢腥?(學咁多野, 用好多錢架!!!)
有D家長係以小朋友學習為依歸, 或許佢而家打緊份工比個讀某某名校出黎既上師虐待
佢就會唔想自己個女第時比人虐待, 
寧願虐待別人 ( 各位讀名校既Blog 友唔好嬲, 我講下笑遮~~)
於是佢就要個小朋友 3 歲開始力爭上游~

有10 個咁樣既家長,另外既10個家長睇見就會唔想執輸, 然後剩底個十個家長唔想個女包尾
然後就跟住做! 

我唔知自己可以係呢個遊戲裡面撐幾耐
我做不到同個女講 " 包尾咪包尾羅~~~ "

但係你係呢個遊戲入面, 唔跟遊戲規則, 個女考包尾, 你會唔會完全莫視佢既自專?? 

一個老師教一兩科, 但係要求學生密集式科科都讀得掂,香港真係有心既老師好少!

教好學生好容易, 難教既學生你都教得佢好
你先至無愧為人師表, 你同家長投訴小朋友唔掂
即是話比家長聽你無料到!你選擇放棄.
有料到就係話比佢聽你已攪掂佢個問題!

我教細路有一套, 由15歲開始教兒童畫, 見盡不同既小朋友
打人, 失控既細路我都攪得掂
但係卻攪唔明香港人要D乜?

比教育制度谷出一班無自己既人
社會希望在那裡?
因為佢地唔知人生意義係咩
有無細路問大人點解要咁辛苦讀書?
家長點答?
搵份好工, 搵多D錢?
人生就係咁??

對於我5歲大既HLC
佢覺得最有意義, 就係睡前祈禱, 
感恩天父今日賜佢落公園玩, 食左腸仔包
幫生病既朋友同家人祈禱, 求天父醫治佢地
然後求天父令 HLC 有能力做好佢未做得好既野(例如未刷牙刷得唔夠乾淨)
當中有感恩, 代禱同自我反省.

越來越覺得生活係香港好唔容易

今日就開始教兩歲五個月大既CoCo 自己沖奶喇~~


真係似模似樣架~~


但係倒到周地都係喎.....


D奶沖稀晒喎~~~


是但啦~~~ 第一次係咁上下架喇~~
hahahahaha

++++++++++++++++++++++++++++++++++++++++++++++++++++++++++++
快D黎Be Fans ! Follow and 關注我地啦~



No comments: