Thursday, February 06, 2014

2014 恭賀新禧台灣遊 Day 2 誠品手工日

今次真係叻叻, 好快就寫第二日, 原來好多朋友Plan 緊同小朋友去台灣
睇下有無D野岩玩 :)

因昨晚去左夜市, 今日真係攰到甩皮( 我個friend 教我講攰到甩皮 XD )
所以連酒店付送既早餐都無食啦~~

11:00 出發往信義誠品書店去
途中經過呢坐係對面既大廈


門口好多櫻花樹


去到誠品第一件事直踩5樓
兒童圖書同手工部


佢地揀左呢個塑膠黏土


呢間黏土有得做依家最流行嘅卡通人物


Coco同Cherrie都揀咗Elsa 
HLC 就要小白，而Carson 就做三眼仔


baby cupcake 仲細，未有得參與，於是周圍行睇下玩具


其實個黏土班好貴差不多每個小朋友要$500港元


但係我哋覺得物有所值，因為佢除咗會單對單教小朋友做手工外亦幫我地看著小朋友


呢個時候爸爸媽媽們就可以去行街睇書, 我買左勁多, 覺得買得唔夠~~~ 蝕左...


等佢地做好黏土後，就要去食lunch了
其實係誠品行緊街個時老公己一早睇定食乜嘢


西門町呢間鴨肉扁係上次去完台灣後佢其中一間想再食嘅餐廳


簡簡單單叫左幾個米粉


台灣嘅米粉特別幼，


D湯好清，但係都好入味


另外我地仲叫咗半隻鴨


食到好飽都係每家盛惠 HK$300


食飽飽我哋決定去飲杯珍珠奶茶


途經西門町街頭梗係要影番幾張靚靚街頭相


估唔到就係影相個幾分鐘，老公已經可以係街邊買咗一個小食


佢仲話我頭先係鴨肉扁
叫得半隻鴨就係要留肚食吓街邊啲小食 @_@|||


咁呢個蔥油餅的確係好好味既


行左幾條街終於來到天仁茗茶


點知佢地珍珠賣晒，要即時再造，我地足足等左半個鐘先至有得飲


食飽飽我哋再戰誠品


順便去對面嘅大廈睇櫻花


可惜coco 午睡中而且家姐話要去睇圖書，影唔到大合照@-@


行程緊迫去完誠品攞住一大袋戰利品放低酒店我地又再出發


唔知幾時開始所有香港人來台灣旅遊都會黎呢個上引水產


台灣朋友話，台灣人係唔會黎呢個上引水產


不過既然咁多朋友都話呢度係台灣遊必去


我地更係要來觀摩下啦


呢度有好多日本嘅水產(哇，咁咪好多輻射囉@-@)


不過一次半次唔緊要啦，enjoy~~~


而且啲小朋友見到巨型海產都會覺得好新奇


聽講平時呢間立食嘅餐廳最快都要排一個鐘，唔知係唔係因為團年飯嘅緣故，冇乜人嚟食日本野，竟然唔使點排隊。


其實呢個上引水產除咗有好多人喜歡食嘅海鮮外，環境都好好，
裏邊就好似一個好大嘅日本超市


不過老實講呢度真係唔係好適合小朋友


大人立食一個鐘冇問題，但係對於小朋友來講哩件事實在太累了


佢地就係會比個咁樣嘅木箱小朋友，企高黎立食。


呢度仲可以係頭先另外一個section 買新鮮海產過來即食
而今晚我哋就我食左好多唔同類型嘅刺身
有大 toro


連我平時唔食海膽都食既馬糞海膽(都話架啦, 台灣人最愛改D屎尿屁食物名 XD )


仲會郁既甜蝦


好多好多壽司


so yummy~~


唔知係咪兩個家姐仔勁愛食sushi, 佢地企左個幾鐘都無投訴!


一盆又一盆


特級飽


但係都要推介呢個炸蒜片既和牛燒


仲有呢個燒鮑魚


蛤脷湯(即係蜆湯) 真係清新又鮮甜


仲有我唔食得既蟹腳(蝦蟹敏感) 佢地話超鮮甜


生蠔OK , 無特別( 可能我平時食開個D太美味)


除左食物good, 其實環境都好靚


我地既團年飯, 就係食左呢餐咁豐富既日本(幅射)水產喇~~~ wakakakaka


太美味太開心喇~


呢個台灣trip, 不停同李氏講日本, 大家都好掛住日本呢~


以為飽到嘔,是日可以終了......


但係......顏生又點會放過佢個胃呢~~~
@ 饒河街夜市
饒河街夜市，位於台灣台北市松山區八德路四段及塔悠路間的饒河街，為臺北市著名的觀光夜市之一，也是台灣繼華西街觀光夜市後第二座觀光夜市。 維基百科

地址： 10567台灣台北市松山區饒河街



極度懷疑佢童年係咪有陰影, 比人餓左幾日, or 比人恐嚇過無飯食之類
為何佢可以好似剛剛放監一樣地吃個不停?
傻的嗎? (我個女話唔可以講痴綫, 所以要用"傻的嗎?"黎表達)


pink pink 芭樂 (番石留)


呢個老細勁nice 勁好笑 ( 其實台灣人大部份都好nice)


因為佢切芭樂既手勢太似 Yan can cook ( 老公N 年前最愛之cooking 節目)
我老公都忍唔住要同佢來張合照

最後老板仲送左杯芭樂汁我地飲~~~ 加左甘草既芭樂好好味, 而且好爽口
可以中和D油脷野


來饒河街夜市其中一個Mission 就係要食當年黎台灣影結婚相食過既胡椒餅

當年23歲的我


可惜呢個年三十晚我地無乜運喇~~


爐已收.......

饒河街夜市街尾就係一間大廟


對面馬路做乜?? 咪就係好次夏蕙姨咁樣排隊裝頭駐香囉~~~


Mission 2 就係食返個牛肉面, 老公話, 黎台灣無食牛肉麵係唔算有黎過....XD


開心得佢


張落單紙好似香港D 車仔麵


豆干


黎喇~~~


一人一碗


唔洗爭


講笑.....其實我地係order 左三碗輪住影 hahahahaa


so yummy, D 麵好烟韌, 好似刀片麵,D 牛肉又入味又冧, 而且仲好平!


Last but not least


京華豆花, 雖然唔係滑咄咄個D, 但係超香豆味!
加買仙草(涼粉) 幫助清熱氣
都祇係30蚊台幣 (十蚊港紙)

肚皮滿載而歸~~~~


過一個常滿新年~~~

======================================================================

Like Us on Facebook

張貼者： 於
標籤： , , , , , , , , , ,

No comments:

Post a Comment

Subscribe to: Post Comments (Atom)