Friday, February 09, 2018

健康之道

名人疫苗錄音引起一場風波

其實點解會咁多人開始唔信西藥唔信藥廠
問下嗰堆唔信既人係咪佢一出世就唔信西藥?
定係佢地曾經經歷過一D你地好彩既人唔會明白既過去?
講真我專重醫生既專業,亦有朋友係醫生,有好多都係好人黎,
唔係淨係識用西藥既就係專業
中醫,自然療法醫生,脊醫,鐵打,芳療用係情緒提升層次既都係專業黎!

我非以上任何一種, 我祇係一個媽媽
用盡媽媽既努力, 選擇一個令我小朋友更健康既方法
我分享既係我既經歷, 
我既經歷話比我聽,西醫無辦法令我身體健康!
亦無辦法醫好我既慢性身體問題




呢篇係2011 年COCO開始發哮喘時, 我係我facebook page 問兩萬人介紹名醫當時就係咁搵左馮宜亮(呢位醫生係我地無睇之後,醫死左個10個月大既BB ) 


做阿媽唔會想推個女去死, 無諗過吸類固醇個年幾攪到個女肌肉發展出現問題,除左行路成日PK(呢個可能亦同我地唔比佢跑有關, 因為佢跑親都喘)就黎四歲都忍唔到尿, 講起嗰時每次係街佢話急尿我就好驚,因為佢每次急都係要即刻屙出黎個隻... 就係咁, 我覺得我唔應該再比西藥佢,決心要用第二D方法攪好佢身體!


咁係點樣好返 係學游水,燉橙,燉洋蔥水,燉鱷魚肉湯,燉豬肉汁,蔗鴣湯(仲要唔係成日有得買),

仲有係家居護理未用精油前其實CoCo 已經因為我 handling with care 好返一半

無人要逼任何人信精油可以身體健康,得唔得人地有眼睇, 

唔通可以收埋個病女係屋企唔比人見,然後呃人話佢好健康咩...-_-||
最慘既係時下既人思想封閉覺得除左西葯無其他野可以醫病

咁骨折入唔入醫院啊?
急性炎重病患睇唔睇醫生啊?
緊係睇啦! 命黎架喎!!!
開完刀做完手術食唔食藥啊!
緊係食啦, 咩毒咩問題等救返條命先慢慢條理

我曾經出書, 而嗰本書有一大個章節係講我既敏感症
無知的我視那為西醫神咁拜,救命恩人咁.... 成為我生命中既污點
因為健康唔應該係咁....
唔係我無晒辦法我都唔想攪到個女用咁重藥
身體變得咁差

但係而家心痛係睇到D人直情拒絕比自己免疫係統運作

---- 發燒好驚, 我以前都好驚,驚燒壞腦變傻仔, 但係發燒其實係身體既朋友
發下燒身體自己打病菌, 病好身體又更強壯, 當然要make sure 佢唔係腦膜炎或超級病毒感染
咁高燒點嘛? 緊係睇醫生確定下咩事啦! 睇醫生可以唔食藥家嘛!!
---- 病又好驚, 病其實係人生必經, 我無用西藥用自然療法三年我地都會病, 係咪一定要食西藥先會好. 唔係囉, 幾耐先好, 好快囉!

要身體好其實無得快, 身體好唔係變魔術變出黎, 係自己努力注意飲食環境情緒社交,身體健康係要學架!性格決定命格,知識改變命運囉.為健康絕對值得學

疫苗好唔好我唔講, 其實咁大個人唔會因為邊個名人唔打我就唔打, 我鐘唔鐘意佢就跟唔跟佢打! 美國總統都反疫苗, 唔通個個投佢票既都唔打針咩!我夠有大把friend 同我friend 唔用精油唔通我同佢絕交咩(你唔用唔緊要, 但係唔好覺得我無知, 因為我會笑返你白痴)
做多D research, 呢個世界好大, 接受吓你自己未認識既野, 唔好覺得自己啱晒, 你人生會變得與別不同㗎!

咁睇完好似要身體健康好難咁,係架唔容易架, 問邊個? 問專家? 有好多D假專家自己都成日病, 但係又搬一大堆道理出黎話咁話咁又話你咁樣無知....講真你自己都未顧掂自己一家大細, 有乜資格教人點樣健康




我唔係專家, 我會努力學習點樣令身體更健康,願意花時間做research, D 人話打針 你問佢有無自己做research, D人話唔打針你又問下佢有無做research, 咁你會搵到答案






No comments: