Wednesday, March 29, 2017

GLC 郵輪 DisneyWorld 之旅 Day 1

十日9夜既Young Living GLC (Global Leadership Cruise) DisneyWorld 之旅終於展開
一家四口之前一次去旅行就係上年暑假去澳洲滑雪,
我嗰個寫左兩日就爛左尾既Blog......唔好提, hahahhahaaa
自從做左Young Living, D 免費Trip 真係多到我有D怕左搭飛機(不是晒命,堅係個個月有得飛, 當然你亦可以選擇唔去真係每個Young Living Trip 都勁好玩唔止安排既活動仲有非常被重視既感覺仲有見到一班對生活健康好有要求既同道中人!
每次去完都十分大得著當然每次飛都有D唔關佢事既人係背後Judget 不過呢D我一般小理因為” Be a cool mom “  ( 唔係唔睬人嗰D cool, 係讚嗰樣野好Cool 嗰個Cool ) 
係我其中一個對小朋友既教育方針, 尤其大女就黎青春期, 真係要搵個方法另佢愛上我做我Fans, 如果你仔女覺得你好”Cool” 其實佢越大越會聽你講野!

好喇講到不停咁去遊埠其實最慘既係好掛住大女好獨立佢會掛住我但係我唔係屋企對佢影響唔太大反正婆婆同嫲嫲會黎湊佢地(真心感激我爹dee媽咪同老爺奶)細女就會十分悶悶不樂不過最令我擔心就係佢太識諗我問佢係咪我飛佢唔開心佢會答唔係因為佢知我去做野有一次用左好多時間同佢傾計最後先氹到佢承認係因為我飛所以佢鬧情緒我同佢講” 如果因為任何事唔開心都可以講出黎講出真正感覺唔係錯黎,你唔開心唔係代表你唔乖” 細女真係好乖,但係因為佢太識諗我好擔心人為佢將唔開心留晒比自己 :(


因為呢次咁深既感受(個次真係心痛到佢喊我又攬住佢喊能夠想像有多慘烈嗎?)
自此我所有Trip 都會同我兩個心肝講我去邊度呢個地方係地球既邊度我去嗰度做乜每日既行程都講比佢地聽我點解要去去完會學到D所以佢地對我做Young Living 既野好清楚佢地亦見證住我係Young Living 既一切一切其實唔係佢地我諗我未必會咁努力鑽研點樣用精油令身體健康呢兩年零四個月無睇過醫生無食過西藥仲要係Young Living 得到咁多野最大功勞一定係我兩個女!
就係Motherhood, 媽媽為左小朋友能力變得如此大! 

呢一次係CoCo  HLC 第一次參與我Young Living Trip, 呢次GLC 係上年一年一度Young Living 一個大型獎勵計劃我係其中一個得獎者所以我同老公可以免費去呢個加勒比海郵輪之旅因為兩個女未去過郵輪(其實HLC 想去好耐!) 我地就問學校可唔可以請假去呢family trip, 幸好學校係讚成"讀萬卷書不如行萬理路"當然去旅行時要上網check 功課啦 :)

所以我地就自陶腰包買機票帶埋兩個女一齊去 :) 因為係 Florida 上船,順便之後留多幾日去DisneyWorld , Blog 友們還記得5年前 Disney 請我地成家去DisneyWorld 玩嗎估唔到當時得5歲既HLC 仲記得當中既細節 :) 今次係CoCo 第一次去DisneyWorld, 佢出發前狂刨YouTube, 做足功課,希望呢次既Trip 成為佢地大個左一個十分珍貴既memories :)

 而今次係第一次去旅行同兩個囡分開坐,佢哋自己坐PEY 我地兩個坐Business(因為我地係Young Living 比錢) 
第一,因為Business 真係好貴,第二,因為大囡過兩次,之後搭飛機次次問我地點解唔係坐business ,因為唔想佢咁細個比佢嘆慣,所以佢哋兩姊妹係隔咗一塊簾嘅PEY 相依為命😝
可惜口狠心卻軟嘅Daddy,唔夠三個鐘已經巡視6次🤦🏻‍♀️ 然後佢見細囡訓著, 立馬鋪好床抱咗佢過嚟訓, 而家佢安心晒,因為佢係後面陪住大囡坐,細囡舒舒服服訓緊覺,而我準備訓返個美容覺!

 我其實真係好愛我老公,因為佢真係好錫好錫d 囡,兩個女係佢地first priority, 我有幸排第三,佢自己第四

家姐幾日前剛十歲, 希望你一直咁鐘意我, 好榮幸做你既Cool Mom :) 因為佢真係讚過我
“ I think my mom is really Cool :) “


希望我有時間持續update 我呢個Trip,好耐無打Blog, 發佈文字令我感到滿足, 多謝仲有黎睇我Blog 既你, 希望你地留言比我 :) 呢篇Blog 在飛機上Update,飛機有Wifi 真爽 , see you soon ! bye~

Facebook Page :https://www.facebook.com/cocosisimaghilmes/
IG : https://www.instagram.com/cocosisimag/

No comments: