敏感肥豬個鼻之護理

前排因為各醫院都有懷疑係SARS 返來既遙傳

令大家都諗起病菌高峰期,要更注意個人衛生

雖然唔係SARS , 但係人類偏肺病毒有好多人感染到入院呢件事係千真萬確!

因為家有潺弱CoCo

我唔驚自己有事, 最驚係野比CoCo 佢就慘慘喇!
(托賴佢呢排真係都算係咁.... touch wood 氣管都無乜事)

於是呢排小心身體既我要做好準備

平日通常都會開車出入,
但係呢日北上要坐公公交通工具

我就要帶定成疊口罩(萬一有人係隔離散播病菌我都可以戴口罩比佢睇)，仲有洗鼻水，消毒洗手液！仲有濕紙巾！ 

呢張相一擺上Facebook , 網友就好多疑問

問我洗鼻有咩好 , 用邊隻搓手液

點解係濕紙巾?

等我逐一解答

我係用滴露搓手液, 但係我好怕搓完手立痴痴, 仲有搓完要攞野食時, 硬係覺得怪怪地有陣味....所以咪用濕紙巾再補抹一次囉~

關於洗鼻,我有鼻敏感(經我多年來努力不懈改善生活環竟, 同埋保養, 已由嚴重轉為甚少發作)

有洗鼻既習慣,洗走鼻腔表面敏感原,病毒同細菌, 係防止發作既最好防禦功夫!

 我用緊呢隻安鼻靈, 除左可以清潔, 仲有保濕同產生保護膜既作用

記住,洗鼻唔係就咁用清水! 會越洗越痕架!

要用生理鹽水, 而呢種噴樽式, 好過一般傳統洗鼻器, 免卻清洗工具既功夫!

而且我返大陸係必須洗鼻, 因為製衣廠真係超多塵同細小毛頭

會攪到我個鼻好痕! 洗出黎張紙巾充滿黑點點毛....

另外, 小朋友係流感高峰我都會要求佢地洗鼻

因為D細佬仔有鼻水係索入去唔係呻出黎

索埋索埋落喉龍就變咳!

你會問, 佢地肯咩?

其實洗鼻係有D似想喊時鼻酸酸個種感覺

祇要唧噴嘴時輕手小小就無咁大感覺!

咁佢地就無咁抗拒

當真係感冒, 或真係敏感流鼻水時,

輕微既我好多時係無食藥用噴鼻舒緩鼻塞

因為敏感藥會令我全日無精神

就算係嚴重到要食藥, 我都會配合噴鼻

無鼻塞就會訓得好D, 病都會快D好!

( CoCo 同 HLC 病病都係噴鼻鼻架! 佢地咁細個就緊係用 doctor 開個D啦~ )

Like our Fans Page :)

Cotton Candy Kids