2016年7月21日
終於有時間寫第二日嘅行程 :)
一朝早爹哋去機場接Uncle Samuel 我哋就出發喇
呢個暑假嘅澳洲之旅,兩個女都覺得好特別,
因為佢哋感受到世界另一邊,有着唔同嘅天氣
喺香港仲係炎炎夏日嘅時候,
黎到澳洲既悉尼,佢地都門上冬裝
今日我地去 darling harbour
darling Harbour 隔離有兩個好岩小朋有既旅遊景點展覽館
SeaLife 同 WildLife
因為時間唔夠嘅關係,我哋今日祇去左Sealife
其實香港嘅海洋公園有一個非常非常之靚嘅水族館
不過,世界各地嘅水族館同埋動物園都係我哋每一次親子遊嘅必去景點
因為每個水族館都有佢唔同既主題
而SeaLife 入面, 最出名就係睇鯊魚
Coco都係第一次咁近距離見到咁大條鯊魚
佢哋都覺得好興奮
剛剛睇完 Finding Dory 嘅電影,
有一幕就係D小朋友申隻手入去捉海星,
嚇到D海洋動物都走夾唔唞,
咪就係好似佢地而家咁囉.....
Coco見到呢一個咁靚既珊瑚好大聲咁叫"我見到Nemo啊!!!"
其實入水族館見到咁多咁靚嘅海洋生物, 唔止認識左好多海洋動物, 仲可以教佢地環保
如果佢地唔保護海洋, 佢地既下一代就無得睇呢D咁兩既魚喇~~
因為我實施禁止購買垃圾計劃(D 細路成日買無謂野, 每次掉野我都會叫佢地自己睇下自己之前買左幾多垃圾)
所以每一次佢哋叫我買野嘅時候我都會問佢幾個問題
1. 呢樣野有咩作用?
2.你需要呢樣野嗎?
3.屋企有無同樣或類似既野?
4.呢樣野會用到幾耐?
5.呢樣野用既頻率多唔多?
6. 如果你想留念, 可以影張相, 將錢留返來買更有用更好玩既野, 好唔好?
通常問完呢堆問題,我個女都會自己決定唔買!
睇完水族館我哋就喺附近周圍影下靚相
之後我地就去左sydney fish-man market 食lunch
好多好新鮮又平又靚嘅海鮮
海膽刺身呀!!!!邊個鍾意食海膽架
仲有我好鍾意食嘅青口
大大包都只係10.99
如果你係海鮮一族,一定唔可以錯過呢一個Market
呢度除左有海鮮,仲會有幾間買乾貨嘅
仲有一啲熟食,炸魚薯條炸海鮮
本來我哋買晒嘢食之後,坐喺外面,邊睇住呢個咁靚嘅海港邊食
點知非常之多海鷗越行越近
為免被海鷗襲擊,我哋都係移施去裏繼續食
waaaaaaa
呢個超大嘅甜蝦刺身真係一試難忘
又多肉又甜
我自從用咗精油保健,自然療法20個月之後,冇食過西藥既我,竟然海鮮敏感都無埋!!!
今次黎到Sydney瘋狂地食海鮮,唔單止唔使入醫院,連皮膚敏感都冇出現過，
我自己都覺得呢件事難以置信，所以有海鮮敏感嘅你千祈唔好放棄呀!!
其實呢個 Fishman Market 入邊有好多間唔同嘅海鮮檔,
我哋大部份都係呢間Peter's 裏面買
食飽我哋仲繼續行海鮮檔,
因為我哋準備今晚繼續再食海鮮
買咗呢隻超大龍蝦返屋企
去旅行,最開心嘅就係住有廚房既屋, 可以一齊玩一齊傾,然後仲可以買餸返屋企煮飯,
感覺幾舒服,唔使出街同人迫,時間控制比較好，輕鬆輕鬆一下
今晚多謝Aunty Jasmine 同Uncle Samuel 為我地煮海鮮大餐
牛扒呢部份就留返比Dadii
yummyyyyy
係咪睇見都流晒口水呢
食完飯好似爭啲嘢喎
我哋就去左The Rocks
因為呢度有間好出名既 Pancake On The Rocks
Pancake 同 donuts 係我最愛
好想試晒佢每一款
去旅行我都不顧身細,亂咁食!!!!
Coco聽到pancake就會好開心
佢叫咗一個for 小朋友嘅小蜜蜂,大家睇落似唔似呢?
我地叫晒佢最出名既款式
我就梗係叫焦糖香蕉合桃pancake , 幾樣都係我最愛嘅材料!!
食完咁多pancake,梗係要消化下肚裏面嘅卡路里啦
行出去海邊,就會見到對面既悉尼劇院,影返張合照先!
到此一遊
今日真係做左好多好多野,
相信佢哋返到去一定訓覺好,
希望好快就可以Update Day 3
see you~~~
No comments:
Post a Comment