CoCoSiSi MaG Hilmes: 點解我既小朋友食飯咁慢?

健議有心改善佢地小朋友食飯慢既父母, 認真聽聽我呢個過來人既心聲.我諗認識我既朋友都知, 我以往真係試過好多次係Facebook 咆吼求救, 我成日都講 : 大女熹琳好聽話, 除左食飯勞氣之外!

剛剛, 係facebook 見到有媽咪朋友為小朋友食飯食好耐而苦腦, 我諗呢個係8成香港父母既苦腦, 當然食飯食得慢有好多原因, 而大部份都係因為小孩子由喂飯到自己食,佢地對時間既觀念好唔清晰, 慢慢養成了食得慢既習慣, 其實呢種習慣係可以"met" 得甩!

好喇, 我逐一同大家講下
♥ : 是否無時間觀念

當然有父母認為, 做乜食飯都要比壓力佢, 其實唔係壓力, 係對佢有要求, 佢先會進步, 當你用 Timer 一段時間, 佢速度真係會調整 , 快返好多

以下呢個iPhone/iPad apps 叫Smile Timer ( 如果用其他機種可自行search下) 好岩好細個未識睇鐘既小朋友用. 免費版無得揀theme, 但係都好夠用, 因為最後5 min 有 reminder, 開頭用時唔好咁嚴勵, 比如話 Set 50 min 比佢食飯 (set 一個佢一定完成到既時間), 同佢講 " 如個你快過呢個姐姐食Pizza, 媽咪就獎你XXX" , 然後佢贏左就要講 " 好叻叻啊~~ 你快過個姐姐, 唔知下次邊個快D呢 "

有網友問 "但係每次食飯後都要有獎，咁會唔會晤係幾好呢？食飯係每日要做既事黎，係必做既，適當既獎我唸係要，但餐餐都獎咪會變成習慣？"
當然, 我地唔係話餐餐獎佢一份玩具, 我通常係獎佢貼紙,印仔,(獎勵計劃)儲夠貼紙就落公園踩單車，跳繩，當有D野佢唔願意做得好時，我覺得比小小鼓勵係OK 的。

Set Timer 係其中一樣令HLC 戒掉食飯"誓願" 既竅門

♥ : 是否視覺上太多

呢個係個好嚴重而父母無察覺既問題, 我想問, 如果你係個小朋友, 而你原本已經唔係好鐘意食野, 但係次次"不" 一大碗比佢, 佢咁細個人, 睇住咁大兜飯, 佢覺得佢一世都唔會食得完, 一開始已經無動力去完成, 咁佢點會食得快啊! "不" 細碗D, 如果佢好快食曬, 仲可以邀請佢添食, 但係唔可以逼佢, 當然, 佢肯添食要超級誇張咁讚佢好叻啦 :)

♥ : 是否食慣流質食物

我絕對覺得我個女係有呢個原因而令佢吞野咁慢,因為我個大女兩歲都仲係食粥仔

明明已經出晒牙, 但係D 老人家硬係驚啃死佢

於是佢D牙係兩歲前都係無乜點用過!

所以你要比呢篇野比婆婆同嫲嫲睇,我睇過好多外國既育兒資訊.

有關咀嚼肌對兒童發展既影響

原來一歲半開始, 幼兒而有能力咀嚼 ( 咁當然唔係叫你比好硬既野佢食)

而咀嚼肌發展唔好, 除左會食野慢, 仲會講野有問題, 咬音唔正, 從而影響社交能力

兩歲仲食爛飯同粥仲剪爛曬D食物? 咁佢生D牙黎做乜架? !!!!?? 唔該唔好害左你個小朋友!

♥ : 是否成日食同一種食物

爸爸媽媽返去睇下個餐單, 小朋友每一食左D乜?

有D家長覺得, 已經日日唔同餸啦, 咁係咪餐餐都食飯?

如果係, 咁就要改一改, 睇下個食物金字塔, 唔一定要食飯食麵先至會營養均衡

可以食三文治, Pizza, 粟米沙律, 烏冬, 通粉

如個小朋友已懂得表達, 不防同佢一齊定餐單, 星期一至五食乜野由佢地話事 :)

好耐之前我做過個Meal Planner, 大家可以係呢條Link Download 個PDF 比工人姐姐填

https://docs.google.com/file/d/1Qz6BMwS1GryC2lTMqhRLZqcXcfvnr3SPjzeQSdefumdD4LtkDHhJCkn7W41w/edit?usp=sharing

♥ : 係咪撈埋一堆飯?

唔好整碎晒D食物撈晒入D飯度, 小朋友已有認知能力

食魚又唔知個D係魚, 食雞又唔知雞係咩味, D菜永遠都係同D飯撈埋一齊食

咁樣佢就會越來越笨, 咁樣食飯又少了一個樂趣 ~~~

生活既每一個細節都係學習, 父母要緊記 :)

♥ : 食飯前食左D乜?

小朋友4歲後強列健議斷奶, 因為飲奶真係會令佢地食少左, 而且好多奶粉會令腸道起"潺"

阻礙吸收, 而且好多小朋友食正餐食得越黎越少, 係因為茶點食得太豐富, 所以唔應該係晚飯前兩小時食太多野!

♥ : 飲食是否定時?

小朋友唔似得大人可以咁彈性食飯,如果唔定時, 例如果晚約左朋友食飯, 就不如係屋企食左野先出街, 又可以免卻媽媽要"關心" 小朋友食飯進度而失儀態 XD
另外,小朋友係咪未等到食飯, 餓得濟, 係無幾耐之前食左餅?所以又食得慢呢?

♥ : 一齊煮 :)

如果時間許可, 邀請小朋友一齊制作食物, 除左可以學習幫手, 而且會明白媽咪整野食係好辛苦, 佢地會更加珍惜食物, 同埋自己有份整, 佢地會食得多D :)

♥ : 氣紛是否良好?

如果每次食飯都係比人鬧住咁食, 食左都唔吸收啦, 如果小朋友習慣性好慢, 大家要食飯前briefing 下佢(同佢講 : 女啊, 我地開始食飯喇, 今晚有A菜,B菜, 湯,魚同雞,你每樣食兩舊,飲埋個湯, 媽咪就好開心, 你要專心食, 如果唔係媽咪會唔開心,知唔知? ) 唔好下下食食下就開佢片.

♥ :定立食飯之家規
要同大小小既小朋友(4歲以上) 定立規矩, 要同佢講點解要食野,營養既重要性,食飯既態度(例如點解唔可以一邊睇電視一邊食飯,因為會唔知食左D乜, 跟住我就會示範合埋眼扮"不" 舊LEGO 入口, 佢地就會大笑)唔可以浪費食物等等. 有時小朋友會唔知做乜要食飯, 所以要同佢講解.

♥ : 是否消化不良
俗稱無謂口,其實呢樣野係關付健康, 如果質個小朋友食好多, 而佢又唔係咁吸收, 其實佢都會覺得滯住, 開胃有幾種方法, 我常用的有以下:
-- 麥茶( 香港人叫開奶茶) 通常用落CoCo 身上,我係買和光堂現成一包粉咁樣倒落D奶度, 但係麥茶有提神作用, 健議大家朝早比佢食, 如果唔係,夜晚會訓唔著.