Saturday, September 23, 2017

L.A. 鹽湖城 三藩市 十日做左D咩?


啱啱去完美國返嚟,今次去美國做咗好多嘢,見咗好多人,亦有好多新嘅啟發。
睇咗幾本書(其實睇書真係好好,我哋而家成日玩Facebook浪費晒啲時間,如果唔睇Facebook,例如係飛機冇得上網,就算係睇套戲唔睇書都有好多新嘅啟發)做咗30幾年人,好似岩岩先至搵到人生嘅真締,早前一段時間都幾唔開心(可能一直都好忙,突然間變得好得閒,所以有啲唔習慣),然後我就寫咗好多自己嘅心事出來,發現我好幸運,就算一啲我本來唔認識嘅人,佢地見到我唔開心,都會花時間Send message安慰我,如果我仲要唔開心嘅話,真係唔應該,係呢度我要多謝一直默默地睇住我成長繼續支持我的blog!
真係好想好想記錄低呢次去美國嘅旅程,所以我就盡力將呢個旅程分晒日子,出返個TODO List, 的自己逐一逐一去完成

第一日我會寫我去LA 搵阿妹
第二日同左一班OilysisLA
第三日飛去鹽湖城參觀warehouse, welcome dinner,我第一本英文書準備要出啦!!
第四日傾盆大雨去Farm
第五日Training day, 拍咗好多個Live
第六日離開鹽湖城飛往三藩市 stay at Wilson’s Home
第七日Yosemite National Park tour with Wilson's family
第八日去三藩市搵騎呢wake7 shopping
第九日返香港啊!

另外,好多人問我關於我做YL business 嘅野, 一匹布咁長,我要雜合吓大家D 問題,要逐個解答,或者你哋仲有d 咩關於做YL 嘅問題,comment box 度問or PM 我都得,我就一次過答啦

Sunday, September 10, 2017

找尋快樂

最近, 心情真係唔識點形容....鬱悶淡薄無動力
話忙又唔係好忙, 話得閒又唔係得閒
話無聊又唔係好無聊! 係仲鬱鬱地任性地買完小小野都唔見得好開心既時候
我就諗......係咪因為就嚟M 到? 又未有咁快喎!
上星期, 開始咗我既52 list of Happiness ( 係一本書黎, 要自己完成, 遲D 再同大家講)
突然好似醒左一半,我原來成日都太顧人地, 好想人地好, 好想人地開心, 人地唔領情,又或者人家領了你對他/她嘅好, 但係就無對你好,which is sad but 人地無責任對返你好呢吓我唔明,
因為如果有人對我好我會對返佢x2咁好.... Anyway....
然後我唔開心了..... 因為我沒有自愛地對自己超級好
當我寫好第一個list, 我發現, 我做某D野會令我好開心, 
  • Family gathering
  • 同D女一齊, 服務佢地例如幫佢地按摸...
  • 做小手作
  • 睇Fashion 野
  • 睇書
  • 見我某些朋友!


原來令我開心既仲有好多好多

 同媽媽飲茶之後, 舉家去左 JCCAC
 (我妹不停笑我講 JCACC, 又擾亂我話係JACCA JCACA JAACC ......好鬼衰-_-||)
 呢度令我好開心
 雖然Dadii 好怕呢D藝術手作人逼既地方. 但係都陪我地黎行
其實年輕既一輩並唔係大家諗到咁無希望 
 我同D女講, 呢班後生仔好叻, 用自己一對手創造未來!
 我今日買左呢隻首飾碟

佢地由set up 到佢地既作品, 都擺左好多心血

 人有了夢想, 好好計劃, 將佢變成真 

 呢排訓示左個女幾次,因為佢成日打機..... 我問佢有無夢想 

 佢緊係答有, 話自己想做 scientist....然後我話, 有夢想真係好好, 但係到你死個日都無努力過無做到.....永遠都祇會係一個夢想! 佢十分Agree....然後講左好多野,
或者我下次出篇關於"與青春期對話" 既Blog
大女好奇怪, 我地成日笑佢好weird....
今日見到呢個bookmark, 立刻要買比佢
咁又真係, 雖然佢好奇怪, 但確實佢都係個好特別既女仔


my special Cassidy


呢度真係好多嘢睇, 但係我地帶住BB 同細路真係專心唔到

 一個唔肯食奶, 另一個眼訓到暈都唔肯訓....-_-|| 睇到3點決定徹退.....
約左Cherri 一家食晚飯, 海港城LCX 入面開左好多新餐聽
呢度好靚...... 老公邀請我自拍
其實係咪feel 到我好掛住你呢? 你有開始無掛住我呢? 
 同班小朋友去左行誠品
突然覺得係香港好難搵節目, 決定下次約去行山!!!
 去左食溫野菜
 小朋友已經唔駛我地理! 
而且CoCo 有Carson 照顧, 真係令我好放心!!
睇夜景 so sweet

多謝Uncle Chris 請食飯

其實同你地去玩係我 Happiness list 其中一項 :)
好鐘意見到Daddy 拖住個女, 唔知到佢地有男朋友時, 仲拖唔拖Daddy 呢?


Monday, April 10, 2017

GLC Day 3 , DIY 戶外噴噴, 寧夏紅之夜

我返到HK 喇, 所以又開始返我篇Blog 喇, 希望真係唔好爛尾啦!!! 其實我呢年幾真係去左好多好有意義既Trip, 但係淨係喺自己facebook 分享左, 要睇返真係有排搵, 所以覺得寫Blog 真係好好, 雖然呢個年代已經好多人專左Vlog, 但係Vlog 要有時間坐定定睇, 如果淨係想睇相, relax 吓 兼搵下料, Blog 都真係幫到手 :)
黎到第二日Young Living 既包起你成條郵輪之旅, 呢條係Norwegian Jade, 其實唔算係最大既Cruise, 不過相信不久將來, YL 會包起最大5000 人嗰D 船, 呢條船容量大約二千幾人, 船上祇有一千多人(領袖級+佢地地屋企人) 所以外面嗰D船頭船尾走廊都係人餐聽要爭食呢D 完全係唔會出現係我地身上, 大部份時間行出走廊係無人的 :)


YL 幫我地編排左好多活動, 所以除左忙住係咁食(24小時都有得食)仲有好多活動, 小朋友都係, 佢地要去kids camp, 好多野玩, 我無時間理佢之餘, 佢都無時間理我! 因為佢地自己有房Key, 可以自由出入, 尤其大女, 10 歲以上就算係kids camp 都可以自己check out 去食野or 返房, 除非條船泊岸要家長接(驚佢走左出街) 


呢幾日我兩個女簡直就係同Joanne 兩個女相依為命, 佢地覺得自己大個左好多, 可以去邊都得, 咁都係因為成條船係YL 既人我地先咁放心, 好似一個大家庭咁樣 :)

每日我地都係呢間咁靚既 Moderno Churrascaria 食早餐 ( 呢間餐廳係VIP 房先免費, 所以無乜人)


水手裝 






我諗緊以後點算, 第一次去Cruise 就住 Penthouse, 間房又大,去VIP 用既餐廳, 下次去Cruise 要自己比錢就大鑊了🤦🏻‍♀️,
 
YL 送左兩個Action Cam 比我地, 兩個女拎住不停亂拍片, 都幾攪笑同幾好玩
將佢地送左去Kids Camp 後我地就去第一個活動, 
Kids Camp 確係好玩, 有Art and Craft, 個個小朋友笑住放學
今日CoCo 同 Jeanie 就去Olympics
本身我地諗住帶埋兩個女去上, 已經報左四人class, 點知佢地話要去kids camp 玩唔join class 
咁算啦, 我同Daddy 同埋姨姨&姨仗去吧
DIY outdoor spray, 呢個係早前報名既自費活動, US$10, 包左一pack 樽 同三隻3ML精油,仲有D好靚既噴樽同埋witch hazel 等等, 真係超值

邊歎啤酒邊DIY 既Daddy 同姨仗

去完個DIY workshop, Mary ( young living CEO) 招開會議, 
其實都係傾下計, 我地去晒Theatre 學野 :)





HLC 唔執輸要去聽吓CEO 講乜

然後緊接係接返兩個小BB(細女CoCo 同 Jaenie ) 去食lunch , 再Check in 反佢地去Kids Camp, 我地就去 APAC meeting , 真係齋講都有D 頭暈, hahahahahaa

下午Daddy 同左兩個細女去游水, 
此時我就去左歎下午茶Burger , hahahahhaa
邊睇日落邊換衫準備今晚既NXR night :)))

其實去Curise 好岩我呢D 成日唔知漏底左咩既人, 隨時可以返房拎, 加上去得遠有小小Jetlag 都可以立馬返房訓,
今晚NXR night, 成船人都著到紅扑扑, 好靚好靚
我地特別邀請左大中華區亦係香港YL 掌陀人 Tyler 仲有APAC 既 Tai 同我Team 共敘晚餐

似付佢地兩個都十分受小朋友歡迎,


Tai 話比小朋友聽佢係, 班小朋友又懷疑又驚呀, hahahhahaa

其實去YL event 最開心就係見到之前係唔同Event 識到既朋友

靚靚Lauren 就係其中一個喇~


當晚已經攰到傻左, 但係大女仲要去night kids camp 玩,

係Kids Camp 門口又撞到朋友XD

我同細女兩個返房已經9秒9暈左,
Daddy 仲勁,

約左班男人去飲野再去左轉Casino....... 我大一轉起身12:30 見大女已經返左黎自己換衫上床訓左.....




老公1:30 先返到......... 感覺好奇怪, 自出自入咁, 但係唔駛理佢確係好方便, hahahahhaaa

是日終了, 明天到達 宏都拉斯共和國the Republic of Honduras - 拉丁美洲及加勒比海地區 

COCO Cassidy 第一次玩 Zip-line