Monday, September 07, 2015

Okinawa Day 5 地道沖繩拉麵店, Gala青い海, 靚靚fruit trat 店oHacorte

我老公夾埋我兩個團友笑我個沖繩 trip blog 爛尾!
其實佢地真係唔明人地好多相要執!
同埋慢工出細貨啊真係~~~ ( 好明顯係唔衰得要繼續寫)
呢日我地因為要轉hotle , 趕到裙拉褲甩
所以無係Lobby 影相喇~

第一站去左100Yen 店, 開心到一張相都無影
其實我地去呢度係想買塊滑草既板比佢地玩個個滑梯
點知無得買, 就買左好多其他無謂野!
Anyway, 就係因為呢個100Yen 店之行,比我地搵到呢間超好味既地道沖繩拉麵店



日本每一個地方既拉麵都有佢既特色
而沖繩拉麵就係咁既:
沖縄そば又稱沖繩拉麵,是一種在沖繩常吃的麵食,也是沖繩常見的料理食品之一。沖繩拉麵並不使用蕎麥而是使用小麥的麵粉加工,帶淺黃色,有點像蘭州拉麵或 廣東麵條,;沖繩本島的麵條呈扁平,而八重山諸島、宮古群島麵條則呈圓型。吃湯麵時放點豬肉、魚糕片、蔥花等。豬肉一般是煮嫩的五花肉或排骨、豬腳等,按 個人喜好有所不同。也可做炒麵、冷麵等。
其實搵到呢間shop 之前去左兩間, 一間唔開, 另一間又麻麻地! 點解呢間就係100 Yen 店隔理我地都走漏眼? 因為佢個門口實左太"唔得" 喇~~
但係入到去好驚喜啊!好靚喎!!!入面又係無遊客(呢個point 變成賣點了)

最緊要佢D野係超好味!

記得叫佢個炸雞同埋肥豬肉! 而家講起都流口水!



就係我開facebook 打卡既時候!
又意外找到呢間下午茶館!!!
靚成咁! 一定要去潮拜一番!
oHacorte, 好多台灣人推薦! 岩晒我呢種甜品人!

去完會好想係香港開一間fruit tart 店!
靚女都鐘意食fruit tart! 我講下面呢四個靚女!
食左幾日, 我成功將自己塊面變左一個波~~~~
 食飽爭取係未落雨之前, 再去左Sir 梯梯~~
真係咁岩sir 左半個鐘就開始落雨, 我地就出發去Gala青い海



呢個地方好靚
仲有好多手工製作
燒玻離, 陶藝,玻璃畫,海鹽製作!
去到首先要報名吹玻璃杯,
因為好快會full
之後就去左做拉杯!
我發覺日本人真係好認真, 雖然用簡單英語溝通,
但係佢地教得好好, 唔係淨係做到件製成品就算
佢真係會教技巧同埋會鼓勵佢自己做!
本來唔想嘥錢整鹽, 因為覺得無乜特別, 但係Dadii 好想整
後來發現學到野, 因為有鹽份既水係重好多,大女覺得好有趣
燒下燒下變左D鹽, 呢D體驗, 係其他地方好難有機會試到!
終於到我地整杯, 嘩~~~~~ show 出我強而有力既臂彎(麒麟臂)

注意, 燒玻璃杯無得即日攞走, 要翌日, 所以呢個體驗唔能夠係離開沖繩個日先做
而拉杯佢地會係一個月內寄EMS 去香港比你!

下一站就係沖繩恩納,,我地因為嫌 RENASSANCE 貴,
BOOK 左 kafuu resort  
我地唔係住客, 無得預先 BOOK RENASSANCE 既海豚Class.....
當我地到達恩納時已經比人book晒
結果址好book左去元氣村....
其實Kafuu resort 都唔錯, 可惜無私人沙灘, 放底行李我地就去呢個trip Dadii 最祈待既一餐!
琉球之牛!

真係並非浪得虛名!雖然係有小小貴!
食飽飽行夜街幫助消化~~~分別有行超市同行便利店!

間間都好多煙花賣! Uncle Derek 忍唔住買左好多好多.....

呢晚兩隻豬仔一人一張床
唔知佢地訓著前做緊乜,傾計傾到訓係床邊
係咪拖住大家呢?
沖繩好多CoCo 便利店~
每次CoCo 見到都會興奮大叫~~

明天去沙灘玩水上活動!
曬到變晒朱古力人~~~
===========================================================

 Like 我地既 Facebook, 跟貼我地既Blog update 啦~~

Friday, September 04, 2015

我既新寵兒Evie, 老公哄埋黎 "做乜你咁香既~~~"

好多人話女人錢好易賺,尤其係賣護膚品
但係我就唔係完全認同喇!
因為身邊真係好多皮膚靚嘅女性朋友
佢哋好似唔洗點理d 皮膚都又白又滑又幼毛孔。
而我就係不停轉Skin Care
Invest 好多錢落塊面度,結果都係解決到一樣,就有第二樣問題.......
講明白D! 就係,有時我用左美白,美白到但係就會敏感起紅又痕,用抗皺皮膚firm左但係就會起油脂粒,用保濕補到濕就會生暗瘡。。。真係顧到一樣顧唔到第二樣.... 其實呢D全部都係敏感既反應!
加上我濕疹底,一用錯嘢就會爛面(其實搭完飛機食錯嘢都會爛)
自年頭睇完皮膚科醫生, 知道自己唔可以食乳製品後,戒口已經好左D!
但係塊面依舊敏感!
醫生話其實我呢D感敏咁既人, 應該轉用全天然既野, 如果唔sure係咪全天然, 真係唔用好過用啦! 唔用可能祇係乾D多D紋,起馬唔會爛肉!
再者, 我地每日用埋咁多化學野, 真係儲埋儲埋唔知幾時爆發!
就好似我咁, 用左幾年韓國野, 最終攪到賀爾蒙失調! 以前都唔知原來韓國既Skin Care 標準係咁底! 真係唔係好適合我呢D "玻璃皮" 用!

自此,我發現濕疹底要用d 全天然嘅產品, 仲有戒敏感食物,免得令我賀爾蒙出現問題! 

其實好多品牌都會send product 比我試用,但係有好多我都唔敢試, 因為好驚試完出事,而且有好多睇我既Blog友都有皮膚敏感,所以擔心因為我,而大家用咗有咩事,我會覺得好大責任,所以我首先要了解產品入面有d 咩,先敢用!


Evie 係一個好熟嘅PR 介紹比我( 好老實 EVIE 真係一次都無聽過.... ),其實佢好明白我唔敢亂試嘢,不過因為Evie全天然, 膽粗粗叫我試! 其實呢個PR 係friend 到會上我屋企食飯, 佢真係同我講, 試左先, 唔岩一句都唔洗寫!
除左all natural 入面仲有精油(呢期真係個個都知我用精油) ,岩曬我呢D皮膚敏感既人用
所以就試咗兩枝洗面先 ( PAY SAFE D ,洗面敏感嘅情況會少D )

其實收到Set skin care 覺得Packing 都好靚, Pink color 岩晒貪靚既女仕們
一睇份press release 既價錢.... 忍不住即刻Message PR KK

Me: 嘩.....支洗面150ml ..... HKD 438 喎....點賣啊? 我自己都未用過咁貴既洗面喎!?
KK: 喂, 係啊, 佢都唔平架, 你試左先啦~ 唔岩唔緊要喎!
Me: 係邊度黎㗎?
KK: 法國做架,係Harvey Nichols 有得賣....
Me: 哦......法國......Harvey Nichols....怪不得咁貴啦~~

第一支係卸妝油, 我覺得卸妝油未去到我覺得Wonderful 既層次, 都係落妝油, 有乳化作用個隻(加水會變奶色) 但係不得不讚, 落得好乾淨! 而且我有戴Con 之下, 隻眼無濛晒 ( 有戴Con 既人會明的)

第二支就係試佢支洗面, 第一次用, Pump 完出黎,懷疑攞錯支Lotion!! 再望一望, 咦....All-Star Cleansing Velvet...無錯喎!
Lotion 狀洗面!!! 我唔用架喎! 話說....我媽咪個D年紀, 鍾意用法國品牌"o靚琴" 既乳液洗面, 我有次去旅行唔既得帶洗面借左黎用! 用完我同佢講 " 洗左好似仲衰過未洗喎......我用沐浴露洗得喇......" 所以一pump 出黎lotion 狀已經無乜好感....... 我本人其實鐘意D起晒泡, 洗到一滴油都無既洗面! (雖然我知起泡劑唔係好野黎.......)



既然已pump, 就試下啦.......
其實呢Pump lotion 擺落面唔係滑滑溜, 有小小"鞋" 但係又唔稱得上磨沙, 驚喜就係沖水個下發生! 嘩~~~~~ 好爽啊!!!! 好S~O~F~T 啊~~~~~~~~~~~ 皮膚洗完有即時柔軟感覺!!!
嘩~~~~ 我開始好驚.........支洗面150ml ..... HKD 438 喎.....點算啊....用慣難戒喎真係....
後尾仲比我發現佢可以用黎做deep cleasing mask!!!



我真係有小小鐘意左佢啊!!!

平時我有個習慣, 洗面洗到好乾淨! 如果唔即刻搽野塊面就會好乾!夜晚緊係無問題!
但係朝早洗完面化裝前就難攪D, 唔搽野化裝無耐就會出油! 搽左野夏天個妝真係好快就化晒!
但係用完呢隻All-Star Cleansing Velvet, 我覺得唔洗搽野都好舒服!噴個花水就可以化妝喇!

生左BB 之後, 無左以前皮膚咁好, 又唔夠訓又攰,又無時間去美容院做treatment! 屋企皮膚護理好緊要,雖然Evie 唔係平價skin care!但係真係有佢既Value!!!

因為無敏感又覺得好好.....
就同PR KK 講 : 喂!!! 超鍾意喎!!!
KK : 咁係咪幫我寫?
Me : 唔好講呢樣野先! 之後買有無折?

問完一輪之後.....Evie 竟然想合作擺係CCK 賣!!! 真的嗎?
咁我要試埋其他產品先!

就係我同好友KY整月餅那日! 我問佢意見! 我一講EVIE, 佢竟然識!!!!! O_O 眼凸....原來好多人識係我唔識喎!
KY 係 CX 做空姐, 佢話Evie 之前一直有黎CX 擺Booth ! 好多CX crew 用! 仲話佢都有用, 勁讚支油同serum!! 話因為佢地無再黎CX 擺booth 唔知去邊度買!!! 嘩! 好有信心啊! 你以後黎CCK 買啦~~~~~

之後仲試埋其他野! 會再出一篇講下~
仲有一個鐘意Evie既Point, 就係佢有陣好柔和既天然玫瑰精油香味.....搽完老公哄埋黎 "做乜你咁香既~~~"

我真係有小小鐘意左佢啊!!!我講Evie :D

Evie 係CCK 有得賣喇!!

http://shop.cottoncandykids.net/collections/skin-care

以下呢兩間shop 仲有得試添!!

沙田新城市廣場 3期 A129 舖 (一田樓下) T : (852) 2618 7597
銅鑼灣黃金廣場1505室 T : (852) 2890 8881

Tuesday, September 01, 2015

奶黃月餅親子廚房--付食譜

立完秋好快就到中秋喇~~
其實中秋真係一個好開心既節日
似足外國既Thanks Givings

一講到中秋, 第一件事緊係食啦~
大家互送月餅既同時, 就會諗下食完之後要點減肥!
如果自己識做月餅, 咁咪可以Control 無咁油無咁甜囉!!

呢日我就同好朋友趙媽一齊參加左Bosch 呢個Mini奶黃月餅Class
舊年我係屋企自仔冰皮月餅
今年朋友們會唔會收到我既中秋Mini奶黃月餅做賀禮呢?
 we are ready~~~ 陳師父話先來個Cookie warm up 下先~~~
整完Cookie 我地就開始聽師傅教做月餅, 其實個Cookie 皮係同個月餅皮一樣! 師傅話, 秘缺係份量要岩岩好, 塊皮整好係要小小乾身又痴得埋, 太黏既皮焗完會出油, 仲會散開架~
一班小朋友睇黎真係好鐘意Cooking, 好專心咁圍住聽喎~
 蛋黃要焗到起泡泡, 再拎出黎壓碎,之後就可以混入奶黃涵中!然後就攞去蒸喇!


盡備好所有材料, 我地就開始cup 餅~

我第一次用木既餅模, 原來份兩要量到岩岩好! 家姐仔都成功整左幾個月餅!
再次多謝Bosch 既邀請!
其實我一直以為Bosch 得電鑽賣 XD
原來好多家電, 而且外型十分吸引!
我地整餅呢個多功能Kitchen Machine, 除左有mixing 功能(最愛佢個夕膠攪柄, 可以做埋刮刮)
原來可以變身多功能!!!
未知道之前都覺得部機又大又貴!
但係原來可以做咁多野!代替5-6 部機!!
好吸引呢!
Key Feature :
 強勁摩打達 1600W3D Mixing 全方位攪拌  (ß馬力強,加上3D Mixing 全方位攪拌,輕易打勻材料)
 智能重力感應,保持恆速攪拌
 7段速度調校
 5.4公升不銹鋼容器,防濺蓋配備特大食材添加口 (ß 一次過處理大量食材)
 鋁合金機身,歐洲製造
 附不銹鋼搓粉鈎、專業打蛋器、專業矽膠貼邊攪拌
     槳、1.75公升玻璃攪拌器、切絲切片磨碎器(4款刀/ 6項功能) (ß 快速切蔔絲、切片)
可另配意粉配件、香腸餡料配件,壓榨果汁配件等,可自製意粉、香腸及果泥等。

付上食譜, 呢個中秋, 做返D月餅送禮啦~~

===========================================================

 Like 我地既 Facebook, 跟貼我地既Blog update 啦~~