爸爸媽媽的主角--- HLC 7 歲生日快樂~

HLC岩岩過左七歲生日

大個女

今年嘅生日並沒有好似往年咁樣幫佢搞大型生日會

一家人同好友靜靜地過感覺很好

第一, 越黎越覺得生日會係勞民傷財,而且近來,我地開始教 HLC 簡約生活, 這個Topic 實在太長遠~

第二,其實我地發覺阿囡唔係太享受生日會。

經過了六年嘅生日會之後我地得出一個結論,發現生日會好多時並唔係小朋友想像中咁開心,
亦有D似父母們另類 gathering , 而且生日會真係有好多野要準備

---兩三個月前book場地
---製作邀請咭
---預備回禮
---佈置場地

---設計一張好靚嘅Banner

---安排遊戲(請魔術師, 遊戲姐姐)

---安排食物
---訂一個特別嘅蛋糕

而其中最煩既,莫過於就係人名單, 請得呢個就要請埋另一個,明明唔係好熟, 但係又怕無請會尷尬.....

生日會上,壽星女要幫手招乎客人, 多謝禮物, 影合照, 標準笑容, 跟本就無時間enjoy 個party

而且因為人多, 磨擦當然多, 性格柔弱既 HLC 每年生日會都好緊張
結果, 佢每年都會係生日會上喊.......
我地發現,佢唔係好 enjoy 自己係眾人既主角呢種身份

始終係一個小朋友,呢D社交意識咁重既生日會,佢地又點會享受到呢....
事實佢地參加 人地既 birthday party 係開心過自己既 birthday party

我同老公都不斷反省,究竟女兒真正想要嘅係乜嘢?

同HLC 了解後, 佢最想要既生日

就係同妹妹, 仲有兩個最好既朋友一齊過, 同埋媽咪親手做一個蛋糕比佢就足夠了 :)

HLC 最愛的小白

最重要係媽媽親手做!

然後, 我同Dadii 仲 book 左佢想住好耐既迪士尼酒店比個 surprise 佢 ( 其實佢次次入親去hotel 食 buffet 就同我地講佢好想住呢度 ~~~ )

仲加左Special Surprise :) 有佈置有Balloon :)

開心得你呢~

呢個笑容, 係我咁多年都無係你生日會上見過!

 

於是我地就展開左迪士尼樂園酒店及迪士尼主題公園兩日一夜遊

雖然今年嘅生日並沒有好似往年咁樣幫佢搞大型生日會, 但係呢個生日, 必定係佢最enjoy,
最特別既一次,
HLC 祇想做爸爸媽媽既主角 :)


爸爸媽媽妹妹永遠愛你~ :)

====================================================================== 快D Like 我地既 Facebook, 跟貼我地既Blog update 啦~~

Cocosisi

Slow Down! Magic break 之汀角灣掘蜆

香港既家長都好鍾意幫小朋友既日程編排得密密麻麻

呢個習慣就連去假日農場都改變不了

首先去玩彈彈床再去餵動物然後再去譊金魚跟住就去摘菜,再去摘士多啤梨,摘完士多啤梨之後就可以去玩揸車,天黑就可以留係呢度燒嘢食喇~~~

就算連大人聽咗都有D抖唔到氣

試問一個小朋友又點會有空間去思考同學習呢?

其實本來去假日農場可以學好多野, 但係每一樣野都走馬看花, 摘士多啤梨個時, 連士多啤梨幾時係盛產季節,種士多啤梨要幾耐, 士多啤梨對身體有咩益處呢D一次都無講過....

雖然講得咁口響,我自己都不過係以上家長嘅其中一位

隨住育兒生涯越耐,我就有另一種感受,要把握親間溝通機會, 放慢腳步, 感受每一件事!
佢地知識將來一定會超越我地(好快, 可能佢3,4年班識既野我地都唔識), 不能錯過呢個仲可以係佢地面前拋書包既機會, 而正正呢段時間, 係佢地乜都有興趣知既皆段~

呢排我地愛上左掘蜆,

大小朋友努力中

記得買手套啊~

仲有去$12 蚊店買呢D泥扒~

仲有記得帶膠櫈仔

除左掘蜆, 仲有好多生態奇觀

CoCo : 中華沙律啊~~~ XD



掘到喇~~~

其實去到大尾督汀角路段,仲要行一段小路入到去沙灘。

一路上我地見到好多菜田,路旁仲有好多小野花

HLC 不停發問,呢邊呢D係咩花?呢D係咩菜?
見到大紅花花,我同女女講, 媽媽細個見到大紅花, 會摘一朵, 搣開花萼, 入面可以啜到密糖~

之後, 又見到芋田, HLC 問芋頭係邊, 我就同佢講芋頭係地下莖植物, 芋頭係泥裡面,

而且仲玩左個實驗, 就係芋葉上既小水珠~
我叫HLC 滴D水上去芋葉上, 見到水點係葉上面滾來滾去, 開心到不得了, 不停哈哈大笑問點解!

呢D隨意無壓力既時候, 亦係小朋友吸收能力同埋觀察力最好既時候, 原本學習就係咁有趣!

呢D問答的機會就係我哋最好同小朋友嘅溝通同埋親子關係建立

一家人定立小目標去做一件事!
我地要掘D蜆返去煮意粉!
好!!! 個個都努力不懈! 個個都有付出!



如果覺得參加比賽能夠肯定小朋友能力

我就覺得掘蜆更為實在,佢不但係團隊精神, 亦係能力肯定, 仲有, 係求生技能!
親近大自然, 放慢腳步, 係香港小朋友面對繁重學術既Magic Break, 正所謂"休息,係為左走更長更遠既路!"

====================================================================== 快D Like 我地既 Facebook, 跟貼我地既Blog update 啦~~

Cocosisi

下雨天, 不能去街街時, 在家可以做什麼?

呢排天氣十分唔穩定, 時晴時雨, 又凍有大風, 
今日就同大家講下如果下雨天又或者天氣唔好, 唔適合戶外活動己嘅時候
留係屋企可以有什麼有趣嘅事情同小朋友一齊做呢?

睇見兩個小寶貝笑得咁開心梗係有好野啦

就係同佢地做一啲簡單嘅小手工啦

聖誕節之後我地都收到好多一盒嘅禮物

當中我同兩個小朋友就最鍾意呢D一 set set 既手作禮物
玩得多電子玩具大家都知道唔係咁好,而手作玩具除左可以增強小朋友創意
中可以訓練小肌肉, 最重要過程中會有互動, 可以增進親子關係 :)

做嘅時候記得唔好掉左D包裝紙,可以用來做墊台紙,咁樣仲可以教埋小朋友環保意識呢~

CoCo 今日做既係日本娃娃
最適合呢D年紀，由佢自己決定顏色,然後從傍指導佢點樣會做得更加好

其實每份手工都有一份好清晰既指示,
當然, 有媽媽從旁指導咁先至算係親子活動呢~

家姐今日就係做閃閃水晶球

因為呢排天氣好凍,所以D泥膠好硬,家姐要好用力先至可以將泥膠變軟

Coco認真油顏色嘅樣好可愛呀

你又幾醒目,識得咁樣禁住個頂,咁就唔會郵到隻手指啦~~

家姐努力之下終於將兩個唔同嘅顏色Max 埋喇~

溝顏色都係一個十分重要既學習黎架

係做小手工過程中,亦訓練到小朋友各方面既能力同埋經驗,

例如我同妹妹講每一次轉顏色都要洗筆, 因為Mix 埋會變污糟

佢就跟住照做, 我仲會讚佢乖乖

睇吓佢幾得戚

家姐嘅作品做得 7788 , 而我剛巧想起佢之前整個Lion , 諗住一齊擺落個水晶球度

準備放入焗爐定型啦

放入焗爐焗三十分鐘就OK架啦

而CoCo 既日本娃娃亦差唔多完成



準備幾支棉花棒,

 建議 Coco 係日本娃娃身上幫佢條靚靚裙加D花紋

佢好專心咁樣點上黃色一點一點嘅小花

Last step, 媽媽幫手執吓手尾啦~~~

當然對 3 歲小朋友嘅要求都唔可以太高

就係咁樣補返D顏色

So Easy

比個tips 大家, 可以用風筒吹乾再比小朋友油下一Part, 咁就無咁dirty 喇~

咁容易又咁可愛嘅日本娃娃就完成了~~

突然廚房個邊傳來家姐既求助聲..... 媽咪~~~~ Lion 溶左啊~~~

原來此泥膠同彼泥膠係咁大分別...... 

最後亦都係最好玩既Step

就係將水晶球入水啦

仲要放滿呢D 閃令令金粉

放滿水後, 再將家姐姐一早焗好既作品放係裏邊

我地發現大D嘅作品會更加適合呢個水晶球

不過HLC已經決定下一次再做另一個作品,
因為呢個水晶球Set 跟來既泥膠仲有剩好多

方落個臺上面,好靚呀~~~

HLC十分滿意自己既作品呢

簡單嘅小手工除咗增進親子關係,
仲係一D唔適合戶外活動既假日,
為我地帶黎無限樂趣

Cotton Candy Kids 將會引進更多對親子及教育有幫助既產品
同各為Daddy Mommy 一齊分享育兒樂 :)

手工制作系列, 已於各Cotton Candy Kids 門市有售

九龍灣 megabox L9 unit 15 T : (852)2771 0488 

沙田新城市廣場 3期 A177 舖 (一田樓下) T : (852) 2618 7597  

荃灣荃新天地 136 舖 (UNIQLO 側) T : (852) 2941 0250  

屯門市廣場一期 shop 2191A 舖 T : (852) 2618 9299  

銅鑼灣黃金廣場1505室 T : (852) 2890 8881
黃埔花園第十一期聚寶坊地庫一層B50舖(大眾書局側)  T : (852) 2333 1733 

將軍澳東港城2/F 272舖(大眾書局對面) T : (852)  2613 8033

======================================================================

快D Like 我地既 Facebook, 跟貼我地既Blog update 啦~~

Cocosisi