Wednesday, February 13, 2019

5 Love Language 2019 年有個好的開始

岩岩過左一個忙碌又豐盛嘅新年!要提起心情準備迎接工作! 二月已經過左三份一, 今次嘅New letter 都要諗下同大家分享D咩!
上年Oilysis 推Woman Empowerment 同埋self love,有非常好嘅成積! 今年我好想繼續推Self Love 同埋兩性關係! 適逢今個月係二月,就黎情人節,係個最好嘅時間開始呢個Topic!  點解我有呢個講兩性關係嘅idea?
首先我並唔係愛情專家,亦唔係什麼專業婚姻輔導員,我都經歷過同老公好差好差嘅時候,都試過幾次講離婚, 講真鬧交邊個無,呢兩年突然搵到大家相處嘅舒適點,有D體會好想同大家分享!
眼見身邊好多人有婚姻危機,其實兩個人唔愛大家一D都唔難,但係我自從睇左「童年會傷人」呢本書, 好想做D野扭轉一D人對婚姻嘅看法,因為有小朋友之後, 婚姻再唔係兩個人嘅事, 係一個影響你小朋友三代嘅事!  
當然,我明白好多人盡晒力,都救唔返. 但係,o係你地未盡力前, 希望你會嘗試搵返當初你地係埋一齊嘅火花,從頭嚟過!  
我會分開幾Part 去講, 今日會同大家講下一個我好鐘意, 由Dr.Gary Chapman 創立嘅 5 Love Language 先去了解你另一半,再向佢表達愛意! 首先,你要問自己,你想唔想得到你另一半嘅愛?如果你想,就需要由你先做起! 不要計較佢地未開始對你好!

 五種「愛的語言」包括:  
1.讚賞說話,言語上對另一半嘅肯定!
我地好多時會對另一半埋怨,但係永遠唔記得感恩,覺得佢地做嘅所有野都係理所當然, 因為有好多人覺得結左婚你就有呢個責任. 感覺被欣賞係好多人對異性產生愛意嘅第一步!仲記唔記得你剛剛拍拖時,欣賞你另一半什麼? 其實口頭讚賞係另佢繼逐做好嘅原動力,而用把口讚人係唔駛錢!當然要讚得誠實同適當! 由今日起, 多D讚賞你嘅另一半喇!
2.服務行動。呢種「愛的語言」藉著為對方服務來表達愛意,例如: 幫忙做家務、洗車、跑腿工作,交電話費,訂機票,整好D壞左嘅野,補衫,等等
係香港呢D好多係個工人做左,有無發現D老公好驚個工人唔撈?因為個工人比左呢份愛佢,hahahhahahaa
3.接受禮物。收禮物真係好開心,其實女仔係偏向鐘意呢個Love Languages,送嘢比女人,有幾樣嘢好難錯,佢地鐘意花,閃嘅野,香嘅嘢,彩色繽紛,送精油實無錯!!! hahahahhaha
4.優質時間,好多人結咗婚之後,尤其生左小朋友,什少同另一半相處,兩個得閒搵返拍拖感覺好重要,好多媽媽生完BB因為過分擔心小朋友而唔放心兩個人去食飯睇戲,久而久之另一半會感到自己失去伴侶嘅角色,感情就會出現問題!呢種「愛的語言」要花時間將注意力集中係對方身上,全心全意跟對方做佢喜歡嘅事,包括傾計,睇場戲,去個旅行。
5.身體的接觸。中國人表達比教含蓄,人與人嘅關係因此產生好大嘅距離感,雖然我講需要身體接觸會有啲奇怪,但係呢個確實係夫妻關係好重要嘅元素,唔一定係講行房,就如平時嘅拖手、擁抱、按摩都好重要!