最開心既母親節, 最好味既母親節餐!

好想即刻寫呢篇blog... 今日好開心,好滿足.... 絕對做到我愛媽媽呢個目標

首先, 今日同sis.Tra sis.Emma (sis.Kayla 唔係HK 太慘)
一大家人係芽莊食左個唔知叫Lunch 定叫Tea,
因為我減肥, 又知自己今晚一定食得勁

所以我祇係食左個柚子沙律..

然後就同媽咪去Kate Spade 買禮物,

佢揀左個算平既手袋, 我地唔比佢睇價錢,

個Sale 姐姐又好醒無答佢幾錢, wakakakaa

其實媽咪真係好好, 佢買野比我地就大筆大筆咁洗

但係我地送野比佢就怕貴...佢覺得D女搵錢辛苦 :)

跟住媽咪就湊孫返屋企, 我地4 個 ( 連埋我老公)

就去街市實行呢個大Project --- 就係煮餐好野比媽咪食

 其實一早book 左沙田18, 又諗過去榕龍食, 但係啊妹話呢兩間都無新意,
提意係屋企煮,因為呢排開始愛煮飯, 一口就應承左 :)

今日既Menu:

• 清酒煮花甲
• 希臘檸檬燉肉
• 上湯雜菜粉絲煲
• 香橙骨
• 焗釀芝士煙肉大蘑菇
• 章魚節瓜綠豆湯

睇下我張購物清單真係水蛇春咁長

有兩版紙咁多 XD

睇下我老公真係唔影得我樣衰佢唔心息!

買買買!

其實買送除左動腦, 拎送都好鬼辛苦,

但係咁多年日日煮一家6口既飯, 一日三餐! 媽咪一句都無怨過, 媽咪 I am so proud of you!

好勁啊!!!

首先煲湯

廚房好熱鬧,

好彩有Helper 幫手洗下野,

如果唔係就更混亂

sis.Tra 付責香橙骨D橙汁.....hahahaha

 

同埋洗洗切切,

仲有佢會一路睇個食譜一路提我地下一個step

我都係一路整一路睇 XD

希臘檸檬燉肉

焗釀芝士煙肉大蘑菇係Sis.Emma 付責

好多個step! 最難既一道

黎到香橙骨呢Part, 我比D油彈到跳舞!!!

做媽媽真係有血有淚 ......u_u....

清酒煮花甲

Super yum!!

最後整埋個香橙骨

等左兩個半鐘!!! 肥妹仔CoCo 走入廚房話好想食Dinner XD

已媽咪永遠係最耐心等待既一個! 一次都無催過我地!

睇返D相, 覺得好感動

因為印像中, 我地幾姊妹未試過一齊煮飯

香橙骨好味到連好討厭香橙骨同西檸雞既老公都話好味!

雜菜粉絲煲

而呢個 希臘檸檬燉肉 老公最愛, 佢話下次要encore!

媽咪入廁所洗手時,

我地準備好Surprise

就係呢個表情,

令我覺得一切都係值得的 :)

好靚,

希望媽咪一直都咁開心咁靚!

多謝你令我知道點樣去做一個好媽媽!

多謝你令呢個家庭有滿滿既愛!

多謝你永遠都係以我地為先 :) 當我係寶!

多謝都當我係寶既你

希望你一直當我係寶, 個天就會賜你當你個女係寶既女婿 ( wakakakakaa )

迫佢地扮我地嘴, 佢地笑到走晒樣, 好好玩 XD

感恩我可以做媽媽, 有HLC 之前因為不育, 以為呢世都無機會做媽媽!

多姐Sis.Emma 準備既飯後甜品 :)

有你地好好好幸福啊~~~ 好掛住sis.Kayla ,7 月 L.A. 見

雖然做媽媽係世界上最艱鉅既工作, 但係呢份, 

一定係我最最最Proud 既工作, 我一定要做好呢份工~~~

各位媽媽共勉之!!!

====================================================================== 

快D Like 我地既 Facebook, 跟貼我地既Blog update 啦~~

Cocosisi

一入豪門深似海!

買第一個LC 時, 有位好朋友係我Facebook 留言 " 一入豪門深似海 "

我答佢 " 有無咁誇張啊, 買一個黎打邊爐咋, 我唔識煮飯"

的確, 我第一個cobalt blue 22cm round 買左兩個月

都祇係用過黎打邊爐, 同埋整煲仔飯

近日竟然有煮食用具同食材搵我寫野

實不相瞞(這件事其實係無得瞞) 我係唔懂, 唔曉煮飯,
但係佢地竟然係睇中我唔識煮飯同唔識買送呢個point @_@||

多年來, 我一講起煮飯( 千年唔逢一潤),

我老公就會出力游說我出街食 : 唔好煮喇, 今日咁攰, 又要去買送, 

不如陪個女落公園玩轉仲好啦~~~玩完落街食好方便~

我 : 下, 我想留係屋企喎~

老公 : 又得, 咁打邊爐啦~~~

點解? 因為無人鐘意聽技安唱歌~~~
明晒 XD

但係, 我老公每次去我D朋友家食飯, 總是讚不絕口

而佢每次聽見去某某家食飯, 總是十分祈待

其實我心底裡十分仰慕識煮飯既人....亦好希望我老公會祈待我煮飯.....

自從買左呢個 cobalt blue 22cm round 之後..... 我老公好似明白了...

好攪笑, 我D朋友其實好清楚我....
就係前幾日.....
本來都唔打算去開倉....... 點知最後..........

茄妹...... Skye, 仲有Jasmine!!! 

你地攪大我個肚...... 你地要付責任啊~~~

都係怪我定力唔好, 會場氣氛實再不得了!!!

結果.........我買左5 大袋.......OMGGGGGGGGG

好開心.....但係又好驚....

好驚我唔用既話, 呢堆, 就祇不過係貴價法國鐵同石頭罷了.......

買個時, 我係咁問友人 : 呢個用黎做乜?

茄  : 唔知架, 做乜都得~~~

就算唔知買黎做乜, 佢一句 : 唔好諗, 買左先算!

而我就好像一個無知少女不停答 :o我~~~~ ( 就往巨大購物袋裡塞)

覺得自己最young 既一次, 就係咁無知地, 問完而唔知買黎做乜都照買......@_@

心心啊~~~

花花啊~~~

舉重係列啊~~~

見到係Pink 係 Baby blue 就買

呢堆買比叔仔入伙~~~ 佢老婆開心到痺~~~

呢個係我最最最買黎唔知做乜又最大舊既 stoneware

沙律Bowl當生果Bowl, 靚靚~~~

然後個日, 我湊女放學之前.....竟然去買送.....@_@

我係一田個超市一路買, 一路忍唔住笑.....係個隻唔好意思尷尬既笑...

你地係唔會明, 我試過去買菜, 個啊姐問我買幾多,

我問完佢點賣, 再問一斤有幾多條, 然後我都係唔知買幾多....

我問阿姐兩個人食要買幾多......... 連阿姐都笑我........ @_@

買送好唔簡單, 又要買主要既料, 配菜, 調味...
D 餸又重, 拎到我手斷....

睇左D 食譜, 整紅酒燴牛尾

食譜 : http://owenmama730.blogspot.hk/2012/02/blog-post_22.html

(其實我最後係亂咁落, 無跟足)

錯手開左老公支靚紅酒....祇係用左1/4....@_@ (被打頭....)

好似得得地咁

與此同時, 我再整個Rosemary 車打芝士焗雞槌

呢塊煎板勁好用...係雙面, 另一邊可以煎牛扒有格仔紋

好快煎得好靚

嘩~~~~

買左一盒Rosemary, 用左十幾條葉......@_@

呢個係我最愛用既鹽

就咁樣已經好似好掂!

再落車打芝士

放入焗爐後,我就開始煎餃子

D 餃子一上碟即清...... @_@||| 小朋友勁愛呢隻韓國粉絲齋餃

整埋個6 min 露筍

一湯匙水, 開中火2min, 細火 2 min, 熄火焗2 min

打開仲係翠綠色......

心諗 : 熟未架.....

灑鹽...

試食! 勁稔啊!!! 好好味~

呢煲牛尾因為等個茄醬, 攪到遲晒

同時間唔好徙, 落個蒸架蒸埋水蛋

雞槌超得

個牛尾D汁超好味而且超入味!!!

可惜煲得唔夠耐, 唔夠稔! 水蛋好good!!!!

而呢晚既重點係,
老公一早約左佢D朋友食飯,
佢竟然錯過左呢次既千年唔逢一潤既超級住家菜, 可惜可惜!!! (老公飲恨中)

同我個廿幾年 best friend 湊住班細路, 食左呢餐超yummy 既晚飯!!

我真係比自己滿分, 唔知係D煲勁定係我有天份!

第一次整, 我自己都覺得難以致信!

快樂既兒童節, 最快樂, 係兩個寶貝終於有佢地親生阿媽煮既飯食

hahahahaa, 為左你地, 媽媽會繼續努力架~~~

( 洗左一大筆, 點都要做返D野比老公睇, 唔係點有籍口繼續買呢 XD )

日日食緊親生阿媽煮飯既各位要好好珍惜啊~~~

======================================================================

快D Like 我地既 Facebook, 跟貼我地既Blog update 啦~~

Cocosisi