Unforgettable 結婚十周年越南trip day 1

要開始寫我個 Da Nang 峴港結婚十周年Trip

4月27號就係我同老公既結婚十周年紀念日，原本打算去我講左幾年既Barcelona ！後來因為撞啱Easter 假期，兩公婆唔捨得掉底兩個女( 佢地放假冇人帶去玩好慘！)，而將兩個人浪漫之長途旅行分做兩個，一個KL trip with kids,一個係我同老公都勁愛既越南。

呢個trip 真係特級難忘......
晨早出發5:30AM, Helper 竟然話CoCo 發緊燒.
呢下真係唧都笑唔出......唉...
都無辦法.....要出發架啦~

Dadii 安慰道 : 阿妹都係喉嚨發炎發燒姐, 無事既, 無任可病徵發燒就話驚姐! 仲有婆婆同嫲嫲兩個睇住會OK 既!

雖然係咁講, 但係個女病, 自己去旅行, 心裡面真係過意唔去...

既然要出發, 就要好好調整心情!

好耐無試過去旅行得一件行李

感覺太好~~

去到閘口, 職員Check Passport 問 : 咦,你無越南簽證既?

我同老公大驚 : 吓!! 乜越南要簽證既咩?? ( 真係孤陋寡聞.....完全無諗過比香港落後既地方係要簽證.... @_@||| )

職員 : o我~~~ 好似可以落地簽! ( 順手就將個Passport 連機票隊比 scan 機票既同事)

尤疑左幾秒質問Scan 機票職員 : 我真係無簽證架! 係咪真係可以落地簽架!!!???

職員立刻支吾以對 , 同時間, 有另一位相信係比較高級既職員跑過黎, 收起我地既passport 同機票, 並且幫我地問下得唔得!  結果知道淨係胡志明市有落地簽....
隨即幫我地將機票改做明天下午

放我地入去個個地勤真係大件事, 因為咁樣, 攪到班機要Offload 我地件行李而遲左 30 分鐘

個個check Passport 既仲幣, 竟然話 "好似可以落地簽! " 就諗住比我上機.....

唉.....

結果, 我地足足等左 1個鐘先攞得返件行李.............

其實老實講, 我呢一刻係想留底多D, 擔心住咁樣出發反正玩得唔開心,

返屋企睇下兩個baby 仲好!

就係咁, 呢日4月27日 ( 星期日 )

我地就同兩個女係屋企訓晏覺

老公問我洗唔洗book間餐廳慶祝

唔洗喇~~~ 就係樓下食啦~

 同兩個心肝寶貝過左一個好平靜既十周年 :)
其實都幾難忘, 但亦不算好差 :)

====================================================================== 

快D Like 我地既 Facebook, 跟貼我地既Blog update 啦~~

Cocosisi