我有一對強而有力既手臂

呢期減肥略有成績, 我就會成日問我老公

Me : 我係咪瘦左好多啊?

Mr.N : OK 啦~~~~
Me : 下!! 仲未得咩?? ( 我expected 佢答: 係啊, 瘦左好多)
Mr.N : 個背脊囉, 手臂囉.....
Me : ..............

咁不得不承認, 我背脊真係厚, 手臂真係粗,
但係明明以前問親老公我肥唔肥,
佢都話唔肥, 做乜突然對我咁mean??
( 所以話老公唔介意你肥? 真係咪信囉~~~)

其實我以前就算唔係好肥個時( 110 磅), 都係好圓潤下

什麼為之圓潤但唔肥?

就係好似Betty Boop 咁



即係好似 Roger Rabbit 入面呢個Red Lady 咁



腰細, 面圓, 胸大,Pat 圓, 背厚, 大脾粗.......
有好多人覺得呢D身型係Sexy

但係老實講, 而家已經唔興呢D身型



而家係興slim, fit 同健康

睇落去平均, 膊窄, 手臂幼著衫先靚

其實我以前無論點瘦, 都係厚背同麒麟臂

( 懷疑係以前中學田兢校隊時練習成果 )

今日開始做瘦手臂同背脊treatment
首先係用沖擊波碎脂, 再用磁療工具刺激穴位的經絡 ( 呢Part OK 接受)

後來個Part 徒手, 佢地用D薄荷消脂精華幫我推
D 味超"索", 通晒鼻, 眼都擘唔大.... @_@

治療師一邊做一邊話: 嘩~~~ 你個手臂好頑強啊~~ ( 一邊超大力咁卒, 仲要係兩邊手一齊黎)
我就全程係咁叫 

其實我已叫得好刻制, 因為驚隔離房聽到..... @_@|||||

返到屋企....老公見到我就問 : 嘩, 你咩事啊, 比人打啊?
Me :如果個個人係舉起人地隔喇底黎打, 佢係唔止暴力, 仲係變態 XD

幾日後, 手臂已明顯瘦左, 遲D後再影下對從未擁有過既幼手臂 :)