Portrait Studio

等左成個月,我地終於夾到時間去Portrait Studio 簡相喇~~~最後老公都簡左最多and最貴o個個package,唔知係咪之前我話過你唔錫我,所以你簡多D黎氹我開心呢......

其實我成日話怕BB出世後我會失寵係有原因gei.......差不多個半月前,有一晚我上網簡去邊間Studio影我o既大肚寫真,當我簡好左,我就好鬼開心甘叫老公埋黎睇睇喇~~~~

顏太:老公,我地book時間去影大肚子囉~~

顏生:咩黎架(望住個電腦幾秒)..........吓,唔好攪甘多野啦,邊有人做D甘o既野架

顏太:(超級扁嘴)咩呀!!!而家好興架,人地個個都同老公一齊去影架(由1分鐘前心情靚靚變成炆薑 plus 想喊)

顏生:個肚大左之麻,有咩好影呀,留返 B B 出世我地一齊去影啦 (就係哩句,火山要爆發喇)

顏太:你試下個肚甘大比我睇呀!!!!!! 我自己去影,我同人地講我冇老公架 (用極速息電腦衝入房)

顏生:(追入來)影呀影呀影呀 你鐘意點影幾時影都倍你影呀~~~

顏太:(crying on the bed + 用拳頭假裝打自已個大肚子(衹要我甘做顏生就會好肉痛))你走呀,我唔要你!

顏生:唔好嬲怏D除衫,我而家拎部相機黎同你影

顏太:好好笑咩我一D都唔覺得好笑!! B B 未出世你就已經甘偏心

就係甘................你話有乜辨法我唔驚呢.....................唉...........我唔想同個一舊飯乜都唔懂o既顏豬豬爭寵..............淒涼咯............

D寫真感覺好GOOD,雖然因為大肚身形變得好豬,連面相都好豬,不過,覺得好幸福 而且,到第二胎時肚皮都冇而家甘靚靚,所以替白雪雪滑嘟嘟o既肚皮留倩影

簡完相我地去左顏豬豬婆婆屋企砌床仔,因為媽媽同顏豬豬會返婆婆度坐月,唔洗半粒鐘老公就set up 好晒喇~~~ 話比大家知,哩張甘靚o既床o係顏豬豬Daddy 1月會展擺展覧時Last day 用 HK$100 買架~~~底買到要大叫 張床單就叫師傅車gei, 甘個超爆靚床圍就好鬼貴...................上面有玩具架~~~顏豬豬實會好鐘意啦~~,哩張床以後就留o係婆婆度,等 B B 去婆婆度反時午睡用o既