Day 3 比尋日更遲起身,化個裝比尋日更濃...hahahhahaa ( 其實化靚左個樣好似老公對我再好D, 平時佢都係對唔熟D人客氣D,唔知係咪靚左個樣佢覺得好陌生, 唔敢對我咁粗聲粗氣,平時都係唔好同佢咁熟,就會對我好D, 哈哈 ), 好鐘意呢條Lily brown 手鍊( 後來發現 香港LCX 都有得買, 咁當然係貴D啦)
到黑門市場食Lunch
唔知有無築地咁正呢?自從311 後, 都無去Tokyo....好掛住築地市場呢~
入到黎記得係街頭攞本指南, 好多美食介紹架~~
(用繁體字! 有誠意!!!)
其實呢度好多野賣,
唔凈止海產類
簡單D 黎講係個街市
濕貨乾貨, 米都有得賣
連花店都有
( 唔送比我都影返張相啦~~ )
呢度好多平價美食( 每間賣食材既店舖都有D煮好既野食賣)
我地邊行邊掃街~~~
呢兜關東煮JPY500 , yummy~~
來到咁日目標所在地, 浜滕河豚店(雞泡魚)
老公話好出名, 點都要試下~~
坐係大大個魚鋼前面......
同D魚講 " 魚啊魚, 我一陣就劏左你黎食喇, 你要游就游多兩步喇~~無機會架喇~~~"
好變態......
崗裡面.....仲有條就屎既魚望住我地食佢D 同類......
OH.....no.....@_@|||
anyway, 我都係第一次.....試下都無防
最底消費一個基本餐都要JPY5000 , 好彩佢話可以兩個人share 一個餐
因我本身對魚無乜喜好, 這正合我心意
先來個河豚刺身, 烟烟韌韌, 但係無魚味, 正確黎講係乜味都無....
其實之後仲上左碟炸河豚, 但係因為個碟好好食, 唔記得左影 ~_~||| ( 都話架啦, D 飲食野唔請我寫blog 咪因為咁囉.....)
火鍋部
都係無乜味, 但係D肉係好爽脆....而且無骨
算係清清地既一餐
雖然祇係叫左一人份, 但係都好飽好夠食!
正當我地叫埋單時
原來仲有個飯未上!
就係呢個蛋煮湯飯! ( 用返頭先打完邊爐個鍋湯)
呢個湯飯不得了! 係成餐最好味! 果然係河豚既精華....wakakakakaka
飯後來個飯後果~~~
即買即食.......( 竟然夠膽唔洗....... @_@ 兩個女唔係身邊係變得十分難民 )
行兩步又見到有壽司賣, 好靚好平啊!!! 可惜我地已經食唔落了!!
出發往阪急百貨去
見到呢隻Bear 即刻好掛住我SFO 既好友呢~
阪急係高級百貨
連廚窗都浮誇過人! 係用真花架~
黎阪急第一時間要去B1 information 囉呢將VIP card, 比passport 佢就會幫你攪
買乜都有5% off
殺上童裝部~~~ 呢度全部都係貴價名牌, 我都無乜斬穫
祇係去Hyster mini 買左幾件Tee 同D 頭飾比兩個女
再睇下Sanrio 同埋玩具部就走人了~
呢個木屋好可愛!
成兩萬蚊......@_@
Laduree 化裝品上年黎大阪時已經好想買!!
但係之前無時間! 今年搬左黎阪急終於有得睇!
好靚好靚, 全部野都好靚! 成個counter 都係人! 我樣樣都想買!
男人係唔會明點解女人可以同時擁有唔同牌子同樣顏色既化裝品 X 10 盒!
敗完化裝品, 澈退到B1 食品部~~~
輪到 Dadii ...... 呢支 HIBIKI 21 JPY2XXXX!!!!
有時男人D野, 女人都係唔會明 @_@ （ 結果呢個傻仔係 airport 見到 HIBIKI 21 祇係賣 JPY 1XXXX 平左港幣幾百蚊..... hahahahaha )
呢間但馬牛炸炸野係新開
超yummy, 好底食, 幾百yen 一個, 仲有舊薯容炸炸 (好平) 一定要食!
食完炸炸再食Cake
Mon Cher 香港 Sogo 都有分店, 但係好多產品得日本先有
好次呢個牛油雲呢拿cake , 好好味
而我地今日中買左櫃裡面個件士多啤利卷蛋拎走
上車即食!!!
我食完第一件......好想自私地叫老公第二件讓比我食
太好味了!!
但係我都係唔夠膽問, 邊喂佢食(佢搾車) 邊咬左佢個舊兩大淡....hehehee
下一站難波city
因為呢part 戰況實在激列, 我一張相都無得閒影
呢度有Par Avion , W closet 個D brand, 平得黎好岩我style ( 起馬多小小布我著得落)
所以我有我行, 老公就去左Toys R us 買玩具氹佢兩個寶貝女!
最後我地shopping 完就黎我地第一次黎大阪, 第一晚食個間燒肉食晚飯~
呢個湯真係超yum yum yum yum !!
為左佢下次都要再返黎~~
焼肉 まるよしヤキニクマルヨシ
焼肉 まるよしヤキニクマルヨシ
滿載而歸!
明天就返香港, Dadii 成個trip 最滿意既收穫!!
就係呢兩隻公仔!
你叫兩個女怎能不愛屎你!有個咁錫佢地既Dadii 真係超超超幸福!
呢晚我亦不停欣賞我D Laduree.....
包裝超靚sssssss
Osaka Trip 2014 March
二人行Osaka 浪漫之旅 Day 1
二人行Osaka 浪漫之旅Day 2
二人行 Osaka Day 3 黑門市場
二人行 Osaka Day 4 hea 住走~~~
======================================================================
快D Like 我地既 Facebook, 跟貼我地既Blog update 啦~~
No comments:
Post a Comment