http://hk.apple.nextmedia.com/news/art/20131029/18483791
+copy.jpg)
今朝同老公返工途中聽電台, 聽到5歲女童因面試而抑鬱想跳樓...
第一, 覺得好慘。
第二, 究竟父母對佢做過什麼?
第三, 點解咁小事要跳樓? 幾時得黎大個? ( 大個要面對咁多人生挑戰, 跳 100 次都唔夠啦, 邊有100 條命比你死?)
香港教育制度競爭極大, 呢個已經唔係新聞, 父無怎樣為配合"遊戲規則" 而將小朋友練成百般舞藝, 口講 " 呢D學校邊係人讀架!!!! " , 但係就報足咁多間, 其實有人問, 咁樣真係對小朋友好咩? 真係為佢將來鋪到路咩?
鋪到, 讀到咪鋪到囉, 讀唔到唔知會對佢成長有幾大影響。( 咪鬧人地追名校啦, 邊個唔想生活好, 唔通父母會點條黑路佢行咩!)
點解今日有感而發, 因為前幾日, 我上左朋友屋企探BB, 佢剛剛生左個BB女, 大仔同我大女爭一年, 今年, 佢應該準備緊小一面試入學。兩公婆都係公務員, 小康家庭。入讀私校, 應付有餘。
我問朋友, 仔仔報左幾多間小學?
微笑答到 :私校?無報啊~諗住大抽獎啊,想入付近個間 XXX , 都唔錯既, 抽唔到都唔緊要, 最好近近地, 佢讀得開心就OK !
覺得呢個小朋友係呢個家庭長大, 佢日後一定係個好好既人! :) 佢有一對"真正"以佢開為本既父母!
其實我好配服,因為我本人做不到咁灑脫,亦好想做得咁灑脫 !
一個家庭既BOND , 到底係日日逼佢做功課溫書令佢童年並無任何玩樂空間, 定係快快趣趣攪掂個3樣功課攬埋一舊睇電視玩玩具??
原來開心係一個選擇! 香港人講得咁慘, 點解唔放手派到邊間就讀邊間?
講到底, 咪 " 比較" 囉
同人比? 人比人比死人啊~~~
唔知點解身邊總有一大堆人搵你個小朋有同人地D小朋友或佢自己既小朋友同人比!
- BB 時, D 老人家係最愛帶個孫出去酒樓同人鬥肥 " 嘩, 乜你個孫咁奀, 睇下我阿"乜" 仔幾大件 " 幾想答佢 "係咪夾低食?"
- 9 個月, 鬥邊個出牙先 -------吓! 仲未出牙, 我阿B六個月出牙喇~~~( o我~~~早D出牙早D甩牙啊)
- 1 歲時鬥行左未---------------吓, 仲未識行,我阿B無爬過就識行喇( o我~~~專家話唔爬既BB有讀寫瘴礙機會大D喎)
- 兩歲鬥戒左片未--------------吓, 兩歲仲未戒片, 我啊B仔 6 個月就逗佢屙喇! ( o我~~~ 早D屙佢早D賴啊, 老左個時)
- 三歲鬥識幾多個字-----------阿邊個邊個個孫入左個間咩咩名校幼稚園呀!幾叻啊人地! ( o我~~~ 咁叻啊, 個間收我個女佢都無本事讀)
其實D大人不停比較, 係個小朋友面前係咁講, 人地阿豬女點點點, 幾多分, 幾叻, 幾勁.
有無諗過有一日, 小朋友對住佢媽咪講 " 媽咪啊, 隔離屋個Aunty 呢, 好白淨無你咁多斑, 個肚腩又無你咁大,佢又年年同隔離豬女去四次旅行,仲有, 佢唔會好似你鬧我咁樣鬧豬女....... "(說話好刻薄, 但係, 有無反思你每日都同小朋友講如此刻薄既說話)
原來.......... 我地都唔係幾好, 點解你要迫佢做最好? 點解你要令佢唔開心? 點解你地唔認同玩係最快既學習方式? 點解唔可以全部活動教學?
我同個女講 : 唔好同人比, 同自己比,今日做得好過尋日就OK 喇! ( 呢個係我爸爸自小對我四姊妹既訓導, 而家都要教埋兩個女 )
No comments:
Post a Comment