HLC 生日後, 某夜補刷牙時
我地發現佢口入面生左粒野......@_@
Dadii 就話 : 係咪熱氣啊? 聽日買個龜靈糕佢食下啦~~~
如是者, 食了幾次, 粒野好似都無乜聲氣....
不過問了HLC , 佢話唔掂到係唔會痛的.....
咁我地就去左日本旅行....
返來後, 發現粒野仲係度......
Dadii 又話 : Mamii , 不如你幫佢督穿佢, 然後等佢慢慢好啦.....
Mamii : 吓........好驚喎.....@_@|||
於是, 我就影左下面張相比我既牙醫, 問佢係乜黎...
原來係牙瘡....
佢仲叫我千祈唔好整穿佢, 手尾長!
Dr.Lam 話 : 係咪之前撞過隻牙? 細菌感染就會生牙瘡架喇~ 要check 下, 好大機會要杜牙齦.
![](https://blogger.googleusercontent.com/img/b/R29vZ2xl/AVvXsEgN54hiRo3asVduhZctG0jh9OA9eR4bLqJsDQMxryZOWNm4xTwLgkafQUvfG-EcUh2NFe_m_pBYNZdnnpK5MC40Pp-Oam4DJ71FMUX46jJvD-HvHKSbQMcuVP5jw-RGf-svA3Kg/s1600/untitled1.jpg)
吓~~~~~ 杜~~~~牙~~~~~齦~~~~~~~ 咁大鑊!!!!!!!!!!
老實講, 叫我去整牙仲慘過開刀生仔.....
個D wee~~ wee~~~ 聲....
今次仲係我個女 杜~~~~牙~~~~~齦~~~~~~~
我真係唔知點同佢解析.....@_@
然後由前日開始我就不停滲D滲D咁同佢講....
嗱 ~~~ 去 Aunty Cordia 度幫你睇下D牙齒
跟住呢, 整走個粒瘡瘡
唔洗驚既, 媽咪上次 " mok " 咁大隻牙都無痛
同埋小朋友睇牙呢, Doctor 會比D氣你聞
然後訓著覺, 就唔知痛架喇~~
Carson 咁細個都係咁整
( 剛好Carson 上個星期整牙, 係Aunty Michelle 個facebook 巢返張相比HLC 睇)
Mamii : 你話訓著覺知唔知痛先?
HLC : 唔知 (微笑)
所以唔洗驚喎~~~ ( 其實最驚o個個係我......)
![](https://blogger.googleusercontent.com/img/b/R29vZ2xl/AVvXsEiMNo3G4y-asWzjsM6zAssXS1dAz__zUAx_ZUeawLpXxFOmB8pBt_EDp900yb2IemcrBYQbcZq6FqCtlmBCrAsgZsv4GGe8Yz4UWRCqWk4VPD43JMGlm1-GermZiMF5RUmn6pMi/s1600/untitled2.jpg)
HLC 去到疹所十分輕鬆, 一D 都無驚...
照過X-ray
解識左 HLC 隻門牙既情況
仲見到隔離隻門牙牙腳宿緊, Tooth fairy 好快就黎搵HLC 了
可是剛好有問題既呢隻牙未咁快換住
所以都係要杜牙齦
![](https://blogger.googleusercontent.com/img/b/R29vZ2xl/AVvXsEid5t20irb0JNFZv3q3U90SYBRaYp5eI6n6DYzgxH2SgIRKDTovyC3QwGbBjadX5p_J8MdYahurZjoBD_QbOZLdfAERRwaDzB6zKw2HjGpCO6Z1ZO89asD-NCXt_ADf8XU5NsyZ/s1600/untitled3.jpg)
Doctor 開始輕描淡寫, 開著D wee~~ wee~~~ 聲既儀器解析一番
( 呢個時候我確實好驚HLC 會縮沙... )
![](https://blogger.googleusercontent.com/img/b/R29vZ2xl/AVvXsEhySiXAYuO0k1xNIBt6FKSA876eikap2SxUX4pEm6AMA0YHw90bhgiXGl5l9XE1dg3q_fkQYIOuhV2kPzmCMtR6bm9IEAOOsEDBBjzQFBq1enuYZ5ELgJZszgmLu8IGU7dGe8Pq/s1600/untitled7.jpg)
估不到佢一句就話 : OK
仲跟足Doctor 指示, 超~~~ 級~~~~ 乖~~~~~
![](https://blogger.googleusercontent.com/img/b/R29vZ2xl/AVvXsEh2M4aVt6tY6qMFlRRuSpzh5o-LE0CQAixPWfxd1tsnmo9utnOHRu9hDRmLqrMTQ5TYHusbyOulnFu-OFknMbSEb0Llo7u1VSHgbQaCKu6AJ36TuSKiFK4Gz1ZXriIbff3UtLV1/s1600/untitled6.jpg)
Doctor 係隻牙度整個窿個時我都唔夠膽望佢....
隻牙入面已經發炎有膿, 放左D膿,
沖洗乾淨, 再報返個隆
歷時 30 分鐘, HLC 好合作, 好快就攪掂晒
![](https://blogger.googleusercontent.com/img/b/R29vZ2xl/AVvXsEjLni9abVlDCon_8XkxkjJTvP5M2S3w0kOpiHpJNRKsnKKSHWDLnG3wvfMbD8ll4xR10Liii8vfY3oxW5UDcDjQ24O40_MYxfC3q_XZYnYjiAd7ezgL602w048VbuWsY-xT3Ism/s1600/untitled4.jpg)
super 乖乖~~~~
![](https://blogger.googleusercontent.com/img/b/R29vZ2xl/AVvXsEjzpYeIJDzImLtafy4X7Auh7mBwCoJ7VDXd8MwM1qTZ9ipv6B5Kpc8JRsy4_XncdGnTxWrGLvrDBVioE_ISJAFHuZzewXc9Jw-nYyGRly7mXLpW46zDrOPmdWi325qq_sDslOrX/s1600/untitled5.jpg)
Dr. 解析, 因為呢隻係乳齒,
相信一兩年就換牙,
唔需要花錢做牙套
咁樣補下, 應該一兩年無問睇
盛惠 $800
比預期中平, 下星期再覆診 :)
![](https://blogger.googleusercontent.com/img/b/R29vZ2xl/AVvXsEhOIswmfynCAPYH8ncfP0jGY2D2jF1KvdzV1iTA7ydchnM-cJ3O7H_sHuYMpOrG4Mi20nA8HEkIPnTOdbqpcfe6nW_EfV0QdMLXWnP12MuFDYq3Qi34dZ0X6d3zCAQQuTzGE3CJ/s1600/untitled.jpg)
其實整個過程好順利而且好輕鬆 ,
大概因為 Dr.Lam 係三子之母
佢氹小朋友真係有一手
因為 post 左相係 facebook , 好多媽咪問牙醫資料
希望可以幫到大家,
有咩專業問題可以打去問, 因為你問我我係唔識答的 :)
尖沙咀,漢口道 28 號, 亞太中心 408室
康霖牙科中心, Dr. Cordia Lam
TEL : 2786 0011
2 comments:
真係好觸目驚心咁呀
yes yes :>
Post a Comment