Singapore Trip Day 4

實在係厭倦呀烏blog 同自己hosting 個blog

呀烏blog Upload 完D相簡直係由美女變啊婆

成面一粒粒!

自己hosting 個blog 跟本頂唔順每日幾萬hit 既留量

雖然by ip 係5-6 千

但係唔知點解有成幾萬hit

唔通大家愛睇我同一篇blog 成十次???

於是, 我又扮pro, 搬返黎 Blogger.com

(算吧, 我好善變, 不過臨危之急, 真係唔想再有人同我講, D 相變晒交叉喎~~)

我地今日玩時光倒流

去返年初二既Singapore trip

COCO 仍舊要係大堂執舊金~~~

今日我地黎左Heem Heem 酒店 fullerton hotels 後面

一齊坐觀光船~

呢個trip 其實好趕

得4日3夜

我地都focus 係小朋友度

無真真正正帶公公婆婆觀光

  

心感有愧...

但係我知道公公婆婆祇要見兩個孫女開心就在所不計!

等船時食下出名既三文治雪糕啦~

HLC 點解你要食得咁肉酸呢???

HEEM HEEM 係男仔都無食到好似你咁啦!!

呢個女真係要認真教!!!

COCO 熱熱狂飲水!!

黎到Singapore , 身體同食欲都特必好!

可憐既香港小朋友

真係比空氣污染逼到氣都無得透

公公婆婆成日肉赤COCO 成日病

今次黎Singapore

佢最開心就係見到COCO 勁食

即時長返幾兩肉!

呢幾日就係咁

CoCo 行去邊

公公就係後面做跟班

跟實佢 :D

  

而HLC 就最愛痴住EE

但係有朋友仔係度

就緊係痴住個friend 啦~

呢條街好多銅像~

呢隻肥鴿真係好似隻monster 啊~~~~

準備上船

第一站就係Lion Fish 噴水水...

Emma 又笑我地成班 chinois (中華人) 又衝去船頭影相

因為要趕及LionFish合照

又要叫D細路望鏡頭

真係尷尬非常

仲要係船上係大部份人係坐響樹唔郁

連COCO 都覺得無奈及尷尬

Wakakakakaa

到底香港人被什麼因子影響

不能好好地靜靜地欣償呢??

true!!!! :D hahahaha

See, 中華人行強吧!!

我每次睇都笑到爆炸
因為成日比 Emma (ee) 笑

我已經做少左好多chinois (中華人)行為
但又覺得 chinois 係勁爆笑!

睇下我地既"跌落黎號"純真版

同…婚後發福版~~

還是呢個冧爆父女版最靚~

遊完外圍就入返河入面

D 人落晒船我地好似包左船啊~~

坐完船就去了Orchard 行街街

Mamii 一貫作風

有得Shopping 零影相!!

(Dadii 覺得同兩個女玩個時要集中地玩, 於是唔會影相

Mamii 亦一樣, Shopping 個時要集中Shop! 唔會影相~~wakakakka

食完個 Lunch 就返 Hotel 準備返香港lu~~~

好多人問我係Singapore book 7 人車個電話

呢個係卡片

大家可以打去問

佢地識講廣東話架~

See you again Singapore!!!

we love singapore!!!!

yeah yeah~~

iPhone blog apps testing

I am going to change to blogger.com

CCK sleeping Bag

你是否成晚幫 " 負" 被既仔女蓋被攪到無覺好訓?? 你有無懷疑工人無幫小朋友蓋好被,而攪到佢成日流鼻水?

係時後同不必要既失眠講 Bye Bye 喇~~

CCK 睡袋, 絕對係 0-8歲 小朋友,每晚訓覺既必須品!!!

終於夠膽寫呢篇Blog

因為D睡袋終於有貨喇~

其實做呢個睡袋已是兩年前

而家唔單止HLC

COCO 由出世都係用呢個睡袋

真係有個story 架~

而家先黎著力宣傳呢個Sleeping Bag

係因為我覺得呢個睡袋而達盡善盡美喇~

睇返呢篇N 年前既Blog

就知呢個睡袋既由來~~

 http://cocosisi.blogspot.com/2010/05/blog-post_3.html

就係咁

CCK 睡袋就誕生左喇~

但係隨住HLC 日漸成長日日用呢個睡袋

的確 inspire 左我好多野!

以前個睡袋係無穿腳位

而家係有穿腳位可以行路

仲有拍鈕

放便柯夜尿之餘 仲方便幫BB 換片

(一般睡袋係要除晒, 係暖粒粒既被竇特然起身除晒D衫,咁樣其實好容易冷親小朋友)

本來個睡袋得一個size

由BB 著到 6 歲

但係諗落二百幾蚊個睡袋,

都唔洗慳到要著 6 年!

為安全問題,

我地仲出埋 new born size

仲有YKK 拉鍊

加上頸位安全布貼

拉鍊唔會夾到小朋友頸仔~

兩年臨床實驗

我地將個領圍尺寸做得最完美

唔會好似以前咁

瘦小小既小朋友著到跌晒膊啊~

最新改良就係隻袖

加長版蝙蝠袖

有無聽過D老人家講 " 千其唔好冷親個膊頭同膝頭哥 "

呢D就係外國人唔識既野喇!!!

佢地出D睡袋, 全部都係背心型

養生之道, 我真係好buy 中國人個套

呢個睡袋既袖蓋過手臂

真係最 perfect 既長度!

咁點解唔出長袖?

咁我又反問你 : 點解唔直情著住件羽絨褸訓呢?

其實訓覺,

我地都好想relax D

讓身體得到全面既休息!

呢個都係我出開腳位既原因

如果封實對腳

好多大個左,

識行識走既小朋友都唔肯著架~

加上HLC 而家係自己訓

佢好多時朝早起身係自己行出廳

如果佢係話極都唔聽

唔識自動自覺一起身就著返件褸既小朋友

or

個工人姐姐話極都唔主動即時幫佢著返件褸

呢個睡袋, 其實就係佢一起身著住既晨褸喇!!

真係極度體諒工人無 Check 被,因為佢地日頭已忙足一日,累到爆,訓到成隻豬咁,

但係因為小朋友自小跟工人訓, 比小朋友著睡袋真係明智之舉!

佢地唔會咁易病, 其實小朋友病左, 照顧佢既工人姐姐都好慘架~~~

兩款唔同溫度用, 無間棉個款其實岩4季用, indoor 溫度15-23 度都好夠, 而厚個個就10-15度

L size 其實全長120CM, 擰起係成件大人長裙咁...好長下, 我地建議

S - new born to 2 years old

M - 2 years old to 4 years old

L - 4 years old to 8 years old

http:// shop.cottoncandykids.net/ products/ quilted-sleeping-bag-thick

http:// shop.cottoncandykids.net/ products/sleeping-bag

唔好再比小朋友因為D不必要既原因流鼻水喇!!

信我, 著呢個睡袋

你同小朋友都一定有覺好訓!

Join Us on Facebook to get most update and promotions!

Dyson DC26

想信好多朋友都好好好好想知我部新吸塵機用成點

因為真係好唔錯!!! 有細有靚有型

最緊要係佢既科技真係好smart

可以睇返呢篇

why Dyson?

所以都膽粗粗問下Dyson 有無D offer 比我地既客人

所以佢地就比左5個quota 可以免費試用 DC26 一個月

一個月後如效果滿意

可以以8折購買 DC26

呢個Offer 真係前所未有

快D email 比我啦~~

先到先得啊~~~

快D email 比我啦~~

cs@cottoncandykids.net

why Dyson?

呢排情緒指數都非常好

恭喜好友Aunty Koji 生左第二胎

仲有好友Nelly 既人生大事~~

祝你地白頭到老, 永結同心啊~

呢排真係work hard play hard

work 得好好好好 hard 個隻呢~~

every night 都 3-4 點!!!

好多件事都比人追到甩褲

不過我無開空頭支票既

應承得你就緊係會講比你地聽~

好多人問我成個月前換Dyson 吸塵機既事

吸塵機其實係健康既好大好大一個學問

一年幾前已經無用塵袋式吸塵機

原因係因為o個袋垃圾

儲係部機度個幾兩個月

又唔知個工人吸左D乜野落去 ( 佢地唔用腦, 又唔睇, 總之就乜鬼都吸, 搏你唔會擦開個塵袋黎睇!)

佢一邊吸塵

我個女就係隔離吸部吸塵機噴出黎既臭氣....諗起都核突啊~~

咁明明就已經買左部萬幾兩萬蚊既吸塵機

做乜仲換部4千幾蚊既 down grade 左呢?

事源係BB 展個日..

我見到dyson 個Booth 有擺個無扇葉風扇

諗住睇下有無得平D~~

(因為搬新屋, 懶型想要部hi-tec look 既風扇, 又覺得CoCo 而家識爬, 無扇葉係安全D)

點知一入到去

個sales 就問我有無睇過佢地既吸塵機

跟住我就懶勁咁答 : 唔洗啦, 我屋企有部好powerful 架喇~~

Sales : 哦~~ 係咪水機好貴個D啊? 記住叫工人抹乾D水啊! 唔係D 細菌就一路吸一路噴架喇....

我即時諗起個醫生講既說話...就追問落去 : 咁你呢部有咩特別之處??

咁我就聽~聽~聽~左20 分鐘

總知聽完就覺得之前係買部萬幾兩萬蚊既吸塵機係勁搵笨...

我輯碌左以下印像比較深刻既幾句

" 佢拎個臺燈黎照你間屋, 話你屋企好多塵, 其實係呢個世界每一個角落, 你拎個燈咁照都有塵架啦~"

( 咁又係渦, 誇張左個事實渦!!)

" o個個上黎示範吸塵機既人, 係咪攞塊黑色布吸住個管, 然吸完拎塊布你睇 : 拿~~ 呢D就係塵螨喇~~~~

其實部部吸塵機封塊黑布都有呢個效果架啦~" ( 咁又係渦....-_-"")

" 你用o個個床褥拍打機個時, 記得叫D小朋友迴避下, 咪一陣拍晒D塵螨出黎就飛到周屋都係仲克痴得勁D"

( 嘩!!! Bingo!!! 我次次拍完個床辱個晚就實克痴個不停架喇!! OMG!!!)

盡管當日聽完20 分鐘

我還是走了.....

=============================================================

其實個結論係 : 任何一部吸力強既吸塵機, 都可以吸走塵螨, 但係, D 塵螨吸左落個塵袋度, 佢地係無死到, 仲不停生長緊

然後, 當吸塵時, D 風係塵袋度飛出黎, D 塵螨 又飛埋出黎散部你全屋.....繼續繁植...

呢D野其實好耐之前已經知..

=============================================================

返屋企諗左幾個星期.....

最後都換左 dyson 棄貴價機...

Why?

自搬屋後, 部吸塵機唔知係咪用得勁得濟... D力真係連一搬吸塵機都不如.....

而Dyson 係標榜佢 吸力永不減弱!

加上醫生話唔健議用水吸塵機.....

再加上CoCo 既咳咳情況真係唔好

所以我就決定換囉.......

而Dyson 既吸塵機係每次吸

每次倒垃圾

所以係最合符我要求~

唉.........早知唔洗買部成兩皮野架啦!!