我諗好耐未試過呢種感覺….. 又驚….有又想逃避 咩令我咁驚?
就係要公佈 Be.Model Contest 既最後二十名結果
其實要攪一個大型既Event 真係好唔容易
好多謝咁多讚助商咁信我
而佢地都係我一直信任既產品! 我遲D會逐一介紹
咁講下我驚乜啦~~
唔知幾時開始, 覺得香港人好恐佈..
乜都埋怨乜都不滿
投訴之都呢個"美譽" 已響遍國際
但係大部份人已忘記去欣償別人既付出及犧牲
坦白講, 好驚之餘,感覺係好委屈
本來一開始公司各高層都認為跟外面D Casting Event Set 3 日攝影, 請人返黎影
黎到就黎, 黎唔到就自動棄權
可惜我死都要作賤自己, 話要親自影,
一來覺得參賽張相唔可以信晒
二來我覺得Model 性格好重要! (因為以後要同我合作)
仲有,覺得就算攝影師幾專業都未必及我呢個阿媽級攝影師咁會氹小朋友天真地笑
亦拒絕佢地既 3 日攝影計畫! 係千二個揀70 個真係好辛苦好辛苦好辛苦
個晚我等HLC 訓左, 11:00 揀到凌晨 4:30
佢地緊係覺得 "黎到就黎, 黎唔到就自動棄權" 啦!!!
但係我揀到金精火眼, 我就覺得一個都不能少!!!
我知道有D黎唔到既會好失望
我地已盡量安排得最好!
或者你地會覺得我好蠢, 身為CCK 既 CEO
放下自己跪到膝頭哥瘀晒去幫D 小朋友影相
(仲要我唔係求其!! 我真係用心去氹每一個小朋友, 但係我的確係Enjoy 的,真係非一般Casting)
約人既同事偶爾會同我呻兩句
" 有D人聽電話好惡啊….……. "
( 其實我都試過, 係公司Call D 客, 可能個電話number 佢地唔識, "喂" 個下真係比佢嚇到唔記得要講乜, hahahahaha)
" 佢地話一定要 weekend or holiday 先得啊 "
" 留左言架喇~~~ 留左3次都無覆返黎 "
我講真的, 今次係一個CCK 攪既EVENT
都好希望參加者尊重主辦單位既安排, 而我地真係真係已經作出最大既遷就, 我影左個幾月
得黎既係一隻網球手….右手隻雞脾已經唔可以用力了….T_T...
我諗好多家長上黎影完都Feel 到我個種誠意
希望我一直相信大部份人都係善良呢個理念係岩既!!
好喇~~講完我心底深深處既說話!
再次同覺得我安排不當既參加者誠意道歉!!! 對唔住~~~~
然後, 大大力拍手恭喜我地 20 位 CCK Model !!!
然後最驚的, 就係令到其實有好多表現都好好既參賽者失望!!
真係仲有好多好多好多係好好架!!!!
其實Aunty Maggie 好喜歡你地每一個小Model
好驚決定後, 一定會有人歡喜有人愁, 但係作為一個媽咪
其實比小朋友有機會體驗係好重要
所以唔好將得失放得太重 :)
雖然選出既20 位 Model 會正式成為CCK 御用Model
但係無選到既Model 亦有機會被CCK 邀請做Model 或有機會參與其他公司既 Poduct shooting
再次多謝所有既參加者~~~
No comments:
Post a Comment